Roger Vladimir Plemiannikov,[1] nado en París o 26 de xaneiro de 1928 e finado na mesma cidade o 11 de febreiro de 2000 foi un director e produtor de cinema francés, coñecido como Roger Vadim.
Traxectoria
Naceu en París, fillo de Igor Nikolaevich Plemiannikov, ruso branco oficial militar e pianista que emigrara desde Ucraína e se nacionalizara francés, sendo vicecónsul de Francia en Alexandría (Exipto). A súa nai, Marie-Antoinette Ardilouze era unha actriz francesa.[2][3] Aínda que Vadim viviu con luxos nos seus primeiros anos, a morte de seu pai provocou que a familia volvese a Francia, onde a súa nai atopou traballo nun albergue dos Alpes que funcionaba como estación de camiño para xudeus e outros fuxitivo que fuxían do nazismo.[3]
Vadim estudou xornalismo e escritura na Universidade de París, sen chegar a graduarse.[3] Aos dezanove anos converteuse en axudante do director Marc Allégret, a quen coñecera mentres traballaba no teatro Theatre Sarah Bernhardt, e para o que traballara en varios guións. Ademais de traballar no teatro e no cinema, Vadim escribiu varios libros, incluíndo a autobiografía D'une étoile à l'autre.
Vadim casou cinco veces, con Brigitte Bardot, Annette Stroyberg (nai de Nathalie), Jane Fonda (nai de Vanessa), Catherine Schneider (nai de Vania) e Marie-Christine Barrault. Fóra dos seus matrimonios tivo relacións coa actriz Catherine Deneuve (coa que tivo un fillo, Christian Vadim),[4] a guionista Ann Biderman,[5] e a actriz Cindy Pickett.[6] A filla máis vella de Vadim, Nathalie, díxolle á biógrafa Patricia Bosworth: "Jane foi o amor da súa vida para o meu pai".[7]
Vadim finou de cancro aos setenta e dous anos, sendo sobrevivido pola súa viúva e os seus catro fillos. As súas ex-mulleres, Bardot, Fonda, Schneider e Stroyberg asistiron ao seu funeral.[8]
Filmografía
Notas
- ↑ En ocasións escrito "Plemianikoff".
- ↑ "Roger Vadim profile at Filmreference.com". Consultado o 18 de decembro de 2012.
- ↑ 3,0 3,1 3,2 TCM (ed.). "Biography for Roger Vadim". Consultado o 18 de decembro de 2012.
- ↑ Beaver County Times, ed. (11 de xullo de 1975). "Roger Vadim is no braggart about his love life". Consultado o 18 de decembro de 2012.
- ↑ Grogan, David (2 de abril de 1984). People.com, ed. "Now a Novelist and Soon a Groom (Once Again), Roger Vadim Starts His Search for the New Brigitte Bardot". Arquivado dende o orixinal o 20 de novembro de 2012. Consultado o 18 de decembro de 2012.
- ↑ Wilson, Earl (25 de marzo de 1981). The Miami News, ed. "Cindy Pickett's over Vadim, but says he's not over Fonda". [Ligazón morta]
- ↑ Bosworth, Patricia (2011). Houghton Mifflin Harcourt, ed. Jane Fonda: The Private Life of a Public Woman. p. 237. ISBN 0-547-50447-0.
- ↑ Fonda, Jane (2005). Random House, ed. My Life So Far. p. 141. ISBN 978-0812975765.
Os nosos brazos estaban unidos mentres seguíamos solemnemente o seu cadaleito polas estreitas e ocres rúas do vello Sain Tropez… Brigitte Bardot, Annette Stroyberg, Catherine Schneider, Marie-Christine Barrault, e mais eu. Das esposas e compañeiras de Vadim, só faltaron Catherine Deneuve e Anne Biderman.
- ↑ IMDb.com (ed.). "Sait-on jamais... (1957) - Full cast and crew". Internet Movie Database. Consultado o 15 de marzo de 2009.
Véxase tamén
Bibliografía
Ligazóns externas
