Prionailurus bengalensis
Estado de conservación
Pouco preocupante[1]
Clasificación científica
Reino: Animalia Filo: Chordata Clase: Mammalia Orde: Carnivora Suborde: Feliformia Familia: Felidae Subfamilia: Felinae Xénero: Prionailurus Especie: P. bengalensis
Nome binomial
Prionailurus bengalensis (Kerr, 1792)
Área de distribución.
Subespecies
Véxase o texto

Prionailurus bengalensis é unha especie de mamífero carnívoro da familia dos félidos, subfamilia dos felinos, unha das cinco que integran o xénero Prionailurus.

E o gato asiático máis amplamente distribuído. A súa área de dispersión esténde desde a rexión do Amur, no extremo oriente de Rusia até as illas de Indonesia, abarcando a península de Corea, China, Indochina, o subcontinente indio, e desde o oeste, do norte de Paquistán até as illas Filipinas polo leste.

Encóntrase en áreas utilizadas para a agricultura, pero prefire hábitats boscosos. Vive nas selvas tropicais de árbores perennifolias e en plantacións a nivel do mar, en bosques caducifolios subtropicais e bosques de coníferas no sopé da cordilleira do Himalaia a alturas superiores aos 1 000 msnm.

É aproximadamente do tamaño dun gato doméstico (duns 60 cm de lonxitude), pero máis delgado e coas patas máis longas. A súa pequena cabeza está marcada con dúas raias escuras prominentes que van desde os ollos até as orellas, raias brancas pequenas que van desde os ollos até o nariz. A parte posterior das súas moderadamente longas e arredonadas orellas son de cor negra con manchas brancas centrais. O tronco e as extremidades están marcadas con puntos negros de diferente tamaño e cor, e ao longo do lombo corren de dúas a catro fileiras de manchas alongadas. A cola é aproximadamente da metade do tamaño da lonxitude cabeza-tronco e está salpicada po algúns aneis de cor negra. A coloración xeral do corpo é parda alaranxada co peito e ventre branco. A súa dieta comprende mamíferos medianos e pequenos, aves, réptiles e peixes. É de hábitos nocturnos, manténdose activo desde o solpor até o amanecer, aínda que non é raro velo durante o día. Nada con gran axilidade.

Lonxitude de cabeza e tronco, de 45 a 65 cm; lonxitude da cola, de 20 a 30 cm. Peso de 1,6 a 8 kg.^[2]

Contra os 13 anos.^[2]

De 2 a 3 cachorros.^[2]

A especie foi descrita en 1792 polo médico e naturalista escocés en Linnaeus, Anim. Kingdom, 1: 151, baixo o nome de Felis bengalensis.^[3]

Foi reclasificado en 1858 dentro do xénero Prionailurus polo explorador e naturalista ruso Nikolai Severtzov, que describiu este novo xénero.^[3]

O epíteto específico, bengalensis, débese a que o espécime tipo procedía de Bengala, India.^[3]

Na actualidade recoñécense dentro da especie as seguintes subespecies:^[3]

• Prionailurus bengalensis (Kerr, 1792)
  • Prionailurus bengalensis bengalensis (Kerr, 1792)
  • Prionailurus bengalensis alleni Sody, 1949
  • Prionailurus bengalensis borneoensis Brongersma, 1936
  • Prionailurus bengalensis chinensis (Gray, 1837)
  • Prionailurus bengalensis euptilurus (Elliot, 1871)
  • Prionailurus bengalensis heaneyi Groves, 1997
  • Prionailurus bengalensis horsfieldii (Gray, 1842)
  • Prionailurus bengalensis javanensis (Desmarest, 1816)
  • Prionailurus bengalensis rabori Groves, 1997
  • Prionailurus bengalensis sumatranus (Horsfield, 1821)
  • Prionailurus bengalensis trevelyani Pocock, 1939

Aínda que algúns autores engaden unha máis: Prionailurus bengalensis iriomotensis, que vive exclusivamente na pequena illa de Iriomote, nas illas Ryukyu (Xapón), que a maoiria recoñece como especie independente, Prionailurus iriomotensis Imaizumi, 1967.^[4] E, para outros, sería un Prionailurus incertae sedis.^[5]

A Unión Internacional para a Conservación da Natureza e dos Recursos Naturais (UICN) cualifica o status da especie como LC (pouco preocupante), debido a que é unha especie mmoi estendida e relativamente común,^[6][7] aínda que a subespecie da illa Iriomonte, P. b. iriomotensis, avalíase por separado na súa Lista vermella porque a súa poboación é moi pequena e esta illada.^[1]

Wikimedia Commons ten máis contidos multimedia na categoría:  Prionailurus bengalensis

Wikispecies posúe unha páxina sobre:  Prionailurus bengalensis

• Jackson, Peter & Adrienne Farrell Jackson (1996): Les félins, toutes les espèces du monde: París / Lausanne: Delachaux et Niestlé. La bibliothèque du naturaliste. ISBN 2-603-01019-0.
• Kingdom, Jonathan (2004): The Kingdon Pocket Guide to African Mammals. Princeton, New Jersey, USA: Princeton University Press. ISBN 978-0-6911-2239-7.
• Kingdon, Jonathan & M. Hoffmann (eds.) (2015): The Kingdon Field Guide to African Mammals. Volume V: Carnivores, Pangolins, Equids and Rhinoceroses. Second Edition. Londres: Bloomsbury Publishing. Bloomsbury Natural History. ISBN 978-1-4729-1236-7.
• Marion, Rémy; Catherine Marion, Géraldine Véron, Julie Delfour, Cécile Callou & Andy Jennings (2005): Larousse des Félins. París: Larousse. ISBN 2-03-560453-2.
• VV.AA. (1986): Natura. Enciclopedia de los animales. Tomo II. Los primates. Los ungulados. Barcelona: Ediciones Orbis, S.A. ISBN 84-7634-752-9.
• Walker, E. (1975): Mammals of the World. 2 Vols. Sixth edition. Baltimore e Londres: The Johns Hopkins University Press. ISBN 978-0-8018-5789-8.
• Wilson, D. E. & Reeder, D. M., editors (2005): Mammal Species of the World: A Taxonomic and Geographic Reference (3rd ed.). Baltimore, Maryland, USA: The Johns Hopkins University Press. ISBN 978-0-8018-8221-0.

• Carnívoros
• Félidos
• Felinos
• Prionailurus

• Prionailurus bengalensis. Leopard cat na ADW.
• Leopard Cat. Prionailurus bengalensis (Kerr, 1792) na EOL.
• Prionailurus bengalensis. Leopard cat en ARKive.
• Leopard cat. Prionailurus bengalensis Arquivado 06 de decembro de 2018 en Wayback Machine. en Cat Spcialist Group (en inglés).
• Prionailurus bengalensis na LEOPARD CAT FOUNDATION (en inglés).