PROFILPELAJAR.COM

No ámbito numismático, coñécese moeda provincial romana a emitida entre os anos 44 a. de C. e 297 da nosa era na área de influencia do Imperio Romano mais a nome ou por iniciativa das autoridades provinciais, sen un control directo do Imperio.^[1]^[2] Con frecuencia, estas moedas supuñan, tanto nos seus deseños como na súa métrica, unha continuación das xa existentes nesas rexións con anterioridade á chegada do poder de Roma, aínda que habitualmente engadían o retrato do emperador romano ou algún sinal do seu poder.^[3]^[4]^[5]^[6]

Moitas destas moedas foron cuñadas en zonas do Imperio de influencia grega, e en case todos estes casos supuxeron unha evolución das moedas emitidas nas polis gregas asentadas no sur de Italia e en Sicilia (Magna Grecia); no caso das moedas desta procedencia aplícanse adoito de maneira sinónima as expresións "moeda provincial romana" e "moeda imperial grega".^[7]^[8]^[9]

As emisións e as súas cecas

Artigo principal: Cecas da Antiga Roma.

Cando unha rexión nova era asimilada pola civilización Romana, ás veces permitíase o mantemento en circulación das moedas locais preexistentes (no caso de as haber), por pura conveniencia. Ademais disto, algunhas das novas colonias recibían autorización para a cuñaxe de moedas de cobre, xa que as de prata (agás algunhas excepcións) e sobre todo as de ouro eran prerrogativa da capital do Imperio. Estas moedas provinciais eran maioritariamente utilizadas pola poboación local só para as pequenas transaccións cotiás, tendo en conta que o seu valor intrínseco era case sempre inferior ao do circulante imperial.

As moedas provinciais foron cuñadas maioritariamente en cobre e en billón e, en menor número, en prata, estas últimas baixo un control estrito de Roma. As emisións en prata e en billón eran máis características das rexións orientais do Imperio, e moi particularmente de Alexandría.

Cara ao ano 210 a. de C., Roma controlaba todas das cidades establecidas por emigrantes e colonos gregos da rexión da Magna Grecia, e ao principio do século seguinte xa se notaba unha clara influencia romana na moeda emitida nesas antigas polis.^[10] Tanto a iconografía e como o estilo das moedas cambiaran considerablemente, ata se considerar habitualmente como as primeiras mostras de moedas provinciais romanas.^[11]^[12]

Durante a época imperial contabilízanse arredor de 600 obradoiros monetarios provinciais, establecidas ao longo de todo o Imperio, cunha maior concentración na zona oriental, aínda que tamén frecuentes en puntos como Hispania e a Galia.^[13]^[14]^[15]^[16]

As principais cidades provinciais, como Corinto, Antioquía, ou Mesia, tiñan unha gran capacidade para a emisión de moeda destinada á circulación en toda a provincia, en tanto que outras, como Viminacium, realizaban simplemente pequenas tiraxes para a circulación local.^[17]^[18]

Galería

Dracma de Alexandría a nome de Alexandre Severo (222-235 d. de C.)
Tetradracma da ceca de Antioquía cuñado en (252 a. de C.) a nome de Volusiano.
Ás cuñado en Tiro a nome de Heliogábalo (218-222).
Cistóforo cuñado en Éfeso o ano 28 a. de C. a nome de Octavio Augusto.
Ás da ceca hispana de Bilbilis (Zaragoza a nome de Tiberio (14-37 d. de C.).
Moeda de bronce cuñada por Agrippa en Caesaraugusta (Zaragoza).
Ás de Augusto e Agrippa (27 a. de C.-14 d. de C.) da ceca gala de Nemausus (Nîmes).

Notas

↑ "Information". En Roman Provincial Coinage Online.
↑ Heath, Sebastian. "Roman Provincial Coins and Imperial Chronology Arquivado 31 de xaneiro de 2019 en Wayback Machine.". En ANS Magazine. Primavera de 2005. American Numismatic Society.
↑ "Roman Provincial Coin Portraits". En Coin Week. 31 de xaneiro de 2018.
↑ Wayne G. Sayles (1998).
↑ Heuchert, V. (2003). "Roman Provincial Coinage". En Alfaro, C.; Burnett, A. (eds.). A Survey of Numismatic Research 1996-2001. International Numismatic Commission - International Association of Professional Numismatists: 313-43. Madrid.
↑ Kremydi, S. (2009). "Roman Provincial Coinage". En Bateson, D.; Amandry, M. (eds.). A Survey of Numismatic Research 2002-2007. International Numismatic Commission - International Association of Professional Numismatists: 182-195. Glasgow. ISBN 9781902040950
↑ "Coins of the Finest Period of the Greek Cities of the South opf Italy". En Noel Humphreys, Henry. (1869). Páxinas 66-72.
↑ Butcher, Kevin (1988).
↑ "Roman Provincial Coins". En Forum Ancient Coins.
↑ Johnson, A. (1985). "The so-called pseudo-autonomous Greek Imperials". En American Numismatic Society Museum. Notes 30: 89-112.
↑ Wayne G. Sayles (2003). Páxina 21.
↑ "Roman Provincial Coins". En Gordian III and Roman Provincial Coins.
↑ Arévalo González, A. "La moneda provincial romana de Hispania en el Museo de Cádiz". En La colección de monedas del Museo de Cádiz. Cádiz. 2005. Páxinas 58-68. ISBN 84-95952-45-9
↑ Ripollés, P. P. (2010).
↑ Ripollès, P. P. (1993). "Hispania: las acuñaciones locales y la financiación de las Rei Publicae". En Rivista italiana di numismatica e scienze affini, XCV. Páxinas 295-306.
↑ Delmaire, Roland (1996). "De la monnaie gauloise à la monnaie romaine : l'exemple de la région du Nord - Pas-de-Calais". En Revue du Nord. 318. Páxinas 9-14.
↑ "Algunas cecas provinciales romanas". En www.tesorillo.com.
↑ "Roman Provincial Mint Cities Compiled by Henrik Agndal". En Ancient Coins.

Véxase tamén

Outros artigos

Bibliografía

Burnett, A; Amandry, M. (eds.) (1992-2017). Roman Provincial Coinage. British Museum / Bibliothèque Nationale de France. Londres/París.
- (1992) Vol. I: From the death of Caesar to the death of Vitellius (44 BC-AD 69). Ripollés, Burnett e Amandry. ISBN 9780714108711
- (1999). Vol. II. From Vespasian to Domitian (AD 69-96). Carradice, Burnett e Amandry. ISBN 978-0714108988
- (2015) Vol. III. From Nerva to Hadrian (AD 98-138). Amandry, Burnett, Mairat, Metcalf, Bricault e Blet-Lemarquand. ISBN 978-0714118277
- (2006) Vol. VII.1. From Gordian I to Gordian III (238-244). Province of Asia. Spoerri. ISBN 978-2717723038
- (2016) Vol. IX. From Trajan Decius to Uranius Antoninus (AD 249-254). Levante, Hostein e Mairat. ISBN 978-0714118291
- (1998) Supplement 1. Ripollés, Burnett e Amandry. ISBN 978-0714108940
- (2006) Supplement 2. Ripollés, Burnett, Carradice e Amandry. ISBN 978-84-690-5987-6
- (2014) Supplement 3. Ripollés, Burnett, Carradice, Spoerri e Amandry. American Numismatic Society. ISBN 978-0-89722-333-1
- (2015) Consolidated Supplement I-III. Ripollés, Burnett, Amandry e Butcher. ISBN 978-1-910807-06-4
- (2017) Supplement 4. Ripollés, Burnett, Amandry, Hostein, Mairat e Butcher.