Mike Stern, nado o 10 de xaneiro de 1953 en Boston, é un guitarrista estadounidense de jazz.
Traxectoria
Estudou na Berklee College of Music a principios dos anos 70, onde tivo contacto con outros guitarristas coma Mick Goodrick e Pat Metheny. Tocou xunto a grandes nomes do jazz como Joe Henderson, Jaco Pastorius, Jim Hall, Pat Martino, Arturo Sandoval, Jeff Richman, Bob Berg e Michael Brecker, entre outros.
Mesturando influencias de rock, funk e blues coa sofisticación do jazz, Mike Stern emprega frases con toques de bebop nos seus solos, desenvolvendo un estilo e un modo de compor orixinal. Algo que, entre os músicos de jazz acabou por ficar coñecido como bop n’roll.
En 1981 entrou na banda de Miles Davis e acabou por se tornar un dos grandes expoñentes da guitarra fusion. Con doce álbums gravados ata 2005, Mike Stern, que sempre compuxera música instrumental pasou a incluír voces na súa sonoridade co apoio do baixista e vocalista, Richard Bona e de Elizabeth Kontomanou.
.jpg)
