Lobelle
Igrexa de San Cristovo de Lobelle.
Concello	Carballedo[1]
Provincia	Lugo
Coordenadas	42°33′09″N 7°49′17″O / 42.55242466, -7.82132034
Poboación	65 hab. (2020)
Entidades de poboación	5[1]
[ editar datos en Wikidata ]

San Cristovo de Lobelle é unha parroquia que se localiza no concello de Carballedo, na comarca de Chantada. Segundo o INE en 2016 tiña 63 habitantes (28 homes e 35 mulleres) distribuídos en 5 entidades de poboación. En 2014 65 (31 homes e 34 mulleres). En 2004 89 (47 mulleres e 42 homes) e en 1999 97 habitantes. En 2017 eran 60 (34 mulleres e 26 homes) segundo o INE. En 2018 66 (37 mulleres e 29 homes). En 2020 65, 33 mulleres e 32 homes.

A parroquia de Lobelle leva o nome do seu posuidor en xenitivo, quizais en latín Lupellus, diminutivo de Lupulus, derivado de Lupus (lobo) como antropónimo^[2]. Popularmente moita xente di Novelle, como se tivese que ver con novo.

A igrexa parroquial está en Lobelle da Abaixo, foi reconstruída no derradeiro terzo do século XIX, de estilo funcionalista.

Castro de Lobelle: Asentamento castrexo situado no lugar de Lobelle de Arriba. Polo lado N-NO está situado a 1 km aproximadamente do castro de Quintá. Coord. Xeográficas: Lonx.: 7º 49´ 33´´ e Lat.: 42º 33´ 17´´^[3].

Os de Trasar matan a besta,

os de Lobelle cómena fresca,

e os de Quintá mandaron recado

que lles gardaran mitá do rabo. !^[4]