A Liga Española de Baloncesto é o nome que recibiu a actual competición que, desde 1980, enfrontaba aos clubs españois cada ano nunha competición de liga con partidos entre todos os participantes, a dobre volta. Foi organizada pola Federación Española de Baloncesto até 1983 cando os clubs, organizados na recentemente creada Asociación de Clubs de Baloncesto, decidiron organizar a Liga ACB, unha nova competición independente da FEB.
Formato
A pesar de ser, formalmente, dúas competicións distintas, con regras e sistema de competición diferentes, a Liga ACB é considerada a continuadora da Primeira División da Liga Española de Baloncesto que organizaba a Federación Española de Baloncesto. A Primeira División foi disputada entre 1957 e 1983, variando o número de participantes desde os seis da primeira edición até os 14 da última, sendo o máximo de equipos o acadado na temporada 1972−1973 con 16. Esta competición, a diferenza da ACB, non contaba con play-offs para determinar ao campión. Todos os participantes enfrontábanse en partidos de ida e volta entre si de acordo a un calendario estabelecido por sorteo a principio de temporada, deste xeito, todos os equipos enfrontábanse contra todos dúas veces, e unha vez en cada campo.
A vitoria valía dous puntos e o empate un punto, xa que naquel tempo o regulamento contemplaba o empate a puntos. Ao finalizar a "segunda volta" concluía a liga e o primeiro clasificado, é dicir, o equipo que máis puntos sumara, era proclamado campión. Este equipo gañaba ademais o dereito de disputar a Copa de Europa organizada pola Federación Internacional de Baloncesto (FIBA). Ademais, os seguintes clasificados eran convidados a disputar a Copa Korać, agás se algún deles gañara a Copa do Rei, que nese caso era convidado a disputar a Recopa de Europa. Os método para o descenso variou segundo a temporada, chegando a haber tanto descenso directo como partidos de promoción, onde os equipos peor clasificados disputaban a súa permancencia contra os mellores da segunda categoría. Durante as 27 temporadas que se disputou a liga, o Real Madrid foi o dominador absoluto da competición, gañando 22 das 27 edicións. Foi destronado en tan só en cinco ocasións, tres veces polo FC Barcelona en e dúas veces polo Joventut Badalona .
Equipos participantes
Nas 27 tempadas que houbo entre 1957 e 1983 competiron un total de 45 equipos na Primeira División da Liga Española de Baloncesto.
