Henrik Klackenberg

Modelo:BiografíaHenrik Klackenberg
Sven Henrik Klackenberg
Biografía
Nacemento1 de marzo de 1954
Danderyd, Suecia (en) Traducir Editar o valor en Wikidata
País de nacionalidadeSueca.
EducaciónUniversidade de Estocolmo.
Q89547790Director do Museo Histórico de Estocolmo.
Heraldista do Estado Sueco.
Actividade
Campo de traballoArqueoloxía, numismática, museoloxía e heráldica
Ocupaciónheraldista, arqueólogo Editar o valor en Wikidata
Premios
- (2004) Medalla Gunnar Holst.
- (2019): Medalla de ouro da Sociedade Heráldica Sueca.
- (2020): Medalla de ouro da S. M. o Rei de Suecia.
Descrito pola fonteVem är det 1997 (en) Traducir, (sec:Klackenberg, S Henrik, p.608) >>>:Klackenberg, S Henrik
Vem är det 2001 (en) Traducir, (sec:Klackenberg, S Henrik, p.619) >>>:Klackenberg, S Henrik Editar o valor en Wikidata

Sven Henrik Klackenberg, nado o 1 de marzo de 1954 en Danderyd, provincia de Estocolmo, é un arqueólogo, numismático, anticuario e heraldista sueco, responsable da heráldica estatal de Suecia desde 1999.

Traxectoria

Klackenberg fixo os seus estudos superiores de Historia e Arqueoloxía na Universidade de Estocolmo, onde se graduou en 1978. Posteriormente acadou o seu doutoramento na Universidade de Lund en 1992 cunha tese sobre a cuñaxe de moeda na Suecia medieval.[1]

A súa primeira actividade profesional desenvolveuna traballando como arqueólogo na Xunta de Patrimonio Nacional de Suecia (Riksantikvarieämbetet), entre 1979 e 1984. Posteriormente pasou a ocupar o posto de anticuario do Museo Histórico de Estocolmo e en 1993 foi nomeado director dese museo e do Gabinete Real de Moedas (Kungliga Myntkabinettet).[1]

En 1998 foi designado heraldista adxunto e en 1999 responsable da heráldica estatal dos Arquivos Nacionais Suecos.[2] Esta responsabilidade leva aparellada a súa pertenza ao Comité Nacional Sueco de Xenealoxía e Heráldica, á Fundación Nacional Sueca e ao Comité Sueco de Tradición da Defensa.[1][3]

Klackenberg foi presidente da Sociedade Arqueolóxica Sueca (1997-1999) e formou parte do consello directivo da Asociación Sueca de Humanidades (1999-2007).[1]

Recoñecementos

  • (2004): Medalla Gunnar Holst (Gunnar Holst Stiftelse för Numismatik), de Gotemburgo, Suecia,.[4]
  • (2011): Cabaleiro de 1ª clase da Orde da Rosa Branca de Finlandia.[1]
  • (2013): Chambelán da Corte Real de Suecia (Kungliga Hovstaterna).[1]
  • (2016): Comisionado da Comisión Internacional para as Ordes de Cabalaría.[1]
  • (2019): Medalla de ouro da Sociedade Heráldica Sueca (Svenska Heraldiska Föreningen).[5]
  • (2020): Medalla de ouro da S. M. o Rei de Suecia (H.M. Konungens medalj).[6]

Publicacións

Estes son os traballos monográficos máis significativos dos publicados por Henrik Klackenberg ao longo da súa carreira:[7]

  • (1977). Bebyggelsen i Svartlösa härad vid 1500-talets mitt. Estocolmo.
  • (1980). Falköpings medeltida bebyggelse. 2. Stockholms universitet.
  • (1981). Falköping. Rapport. Riksantikvarieämbetet och Statens historiska museer. Estocolmo. ISBN 91-7192-486-8
  • (1981). Skövde. Rapport. Riksantikvarieämbetet och Statens historiska museer. Estocolmo. ISBN 91-7192-487-6
  • (1981). Hjo. Rapport. Riksantikvarieämbetet och Statens historiska museer. Estocolmo. ISBN 91-7192-524-4
  • (1982). Lidköping. Rapport. Riksantikvarieämbetet och Statens historiska museer. Estocolmo. Libris länk. ISBN 91-7192-509-0
  • (1983). Bogesund. Rapport. Riksantikvarieämbetet och Statens historiska museer. Estocolmo. ISBN 91-7192-543-0
  • (1984). Hästholmen. Rapport. Riksantikvarieämbetet och Statens historiska museer. Estocolmo. ISBN 91-7192-605-4
  • (1992). Moneta nostra: monetarisering i medeltidens Sverige. Lund studies in medieval archaeology. Almqvist & Wiksell, Estocolmo. ISBN 91-22-01506-X
  • (2002). Medeltidsstadens arkeologi. Swedish Science Press, Uppsala.

Notas

  1. ↑ 1,0 1,1 1,2 1,3 1,4 1,5 1,6 Véxase (1992) en "Bibliografía".
  2. ↑ Stugart, M. (2004). ”DN GRATULERAR: Han vårdar vårt kulturarv”. Dagens Nyheter. 1 de marzo.
  3. ↑ "Han förvaltar vårt heraldiska arv Henrik Klackenberg berättar om sin uppgift som Statsheraldiker". Svenska Heraldiska Föreningen.
  4. ↑ "Gunnar Holst-priset för år 2004". En Svensk Numismatisk Tidskrift. Febreiro de 2005. Páxina 13.
  5. ↑ ”Medaljörer 2019. Henrik Klackenberg". Svenska Heraldiska Föreningen”.
  6. ↑ "Medaljförläningar 28 januari 2020". Sveriges Kungahus.
  7. ↑ "Klackenberg, Henrik, 1954". Libris.kb.se