O Gran Premio dos Países Baixos de 1981 foi unha carreira de automobilismo de Fórmula Un, celebrada o 30 de agosto de 1981 no circuíto de Zandvoort. Foi a duodécima carreira da tempada de Fórmula Un de 1981. Foi o 30º Gran Premio dos Países Baixos. A carreira disputouse sobre 72 voltas ao circuíto de 4´252 quilómetros para unha distancia total de carreira de 306 quilómetros. Foi gañada por Alain Prost, que liderou a carreira de principio a fin. A carreira tamén viu a volta de Fittipaldi ao circo da F1, logo de estar ausente na carreira anterior. Aínda que ningún Fittipaldi logrou clasificarse.
Resumo dá carreira
Na saída, Prost tomou o liderado, co seu compañeiro René Arnoux seguíndoo moi de cerca. Máis atrás no medio da pista, Gilles Villeneuve estrelouse contra a parte traseira do Alfa Romeo de Bruno Giacomelli, saltando sobre o Alfa para quedar fóra da carreira na primeira curva.
Na segunda curva, Mario Andretti e Carlos Reutemann chocaron, quedando o coche de Andretti co morro roto. Antes do final da primeira volta, ocorreu outro incidente cando chocaron Patrick Tambay e Didier Pironi. O resultado foi a retirada inmediata de Tambay, mentres que o segundo Ferrari continuou durante tres voltas antes de retirarse da carreira.
Na parte dianteira da carreira, Arnoux era incapaz de manter o ritmo e caeu catro lugares, detrás de Alan Jones, Nelson Piquet, Jacques Laffite e Reutemann. Con Arnoux fora da cabeza, Jones perseguiu a Prost e pelexou polo liderado ata que os seus pneumáticos desfaleceron e Jones tivo que reducir a velocidade. Reutemann e Laffite, mentres tanto, loitaban ferozmente polo cuarto posto, terminaron chocando e quedaron fóra da carreira na volta 18.
Cara ao final da carreira, nunha desaceleración de Jones foi superado por Piquet. Isto resultou crucial na clasificación do Campionato do Mundo, xa que se Jones mantivera o segundo lugar, Piquet non gañaría o título na última carreira da tempada.
Clasificación
Cualificación
Carreira
Posicións logo da carreira
- Clasificación do campionato de pilotos
|
- Clasificación do campionato de construtores
|
- Nota: Só están incluídos os cinco primeiros postos en ambos os grupos de clasificación.
Notas
A menos que se indique o contrario, todos os resultados da carreira tómanse de "The Official Formula 1 website". Arquivado dende o orixinal o 16 de maio de 2014. Consultado o 2007-06-16.
Véxase tamén
Ligazóns externas
