O Gran Premio de Singapur de 2017, oficialmente 2017 Formula 1 Singapore Airlines Singapore Grand Prix, foi unha carreira de Fórmula Un, que se celebrou o 17 de setembro de 2017 no Circuíto urbano de Marina Bay de Singapur. Foi a décimo cuarta carreira da tempada de Fórmula Un de 2017.
Informe
Práctica
O piloto de Red Bull Daniel Ricciardo foi o máis rápido na primeira práctica cun tempo de 1:42.489.[1] Foi seguido polo Ferrari de Sebastian Vettel e o seu compañeiro de equipo Max Verstappen mentres que o líder do campionato Lewis Hamilton era só o cuarto máis rápido.[2] Ricciardo tamén foi máis rápido na segunda práctica, seguido por Verstappen e Hamilton.[3]
Clasificación
Max Verstappen foi o máis rápido na Q1 e na Q2. Red Bull parecía ter vantaxe sobre Mercedes e Ferrari.[4] Con todo, Sebastian Vettel de Ferrari logoru a pole position na sesión final cun tempo de 1.39.491, por diante de Verstappen e o seu compañeiro Ricciardo.[5] Hamilton só puido quedar quinto na grella co seu compañeiro de equipo Bottas sexto.
Carreira
As precipitacións antes do inicio da carreira fixo que a carreira fora o primeiro Gran Premio nocturno organizado en condicións de chuvia na historia da Fórmula Un.[6] A pesar diso, a carreira comezou baixo condicións normais de carreira sen o coche de seguridade segundo as regras de 2017. No inicio, Räikkönen tivo un excelente comezo en comparación co seu compañeiro de equipo Vettel e o Red Bull de Verstappen. Vettel e Räikkönen tiñan Verstappen no medio deles. Os pneumáticos de Verstappens tocaron con Räikkönen e deixaron a Räikkönen fóra de control, que bateu co lado esquerdo do coche de Vettel, o seu compañeiro de equipo, causando un dano significativo para ambos, e despois golpeou novamente o coche de Verstappen na primeira curva. Isto causou a retirada inmediata de Räikkönen e Verstappen. Vettel puido continuar inicialmente a pesar do notable dano, seguido por Hamilton, que tivo un bo comezo con Ricciardo detrás. Con todo, Vettel logo trompeou debido aos danos e posteriormente retirouse. Esta foi a primeira ocasión na historia da Fórmula 1 en que ambos Ferraris resultaron eliminados na primeira volta.[7]Alonso tamén sufriu danos como consecuencia do incidente na 1ª volta e eventualmente retirouse na 9ª volta.[8] As colisións na primeira volta provocaron a saída do coche de seguridade que mantívose na pista ata a 4ª volta.[8] No reinicio Lewis Hamilton continuou liderando, seguido de Daniel Ricciardo na segunda posición e Nico Hülkenberg na terceira. Hamilton puido alonxarse e establecer unha cómoda ventaxe sobre Ricciardo.
Houbo dous novos períodos de coche de seguridade durante o transcurso da carreira. Un na volta 11, despois de que Daniil Kvyat estrelárase na 7º volta e outro na volta 38 logo de que Marcus Ericsson trompease.[8] Bottas logrou chegar ata o terceiro posto e Carlos Sainz ao cuarto posto logo primeiro período do coche de seguridade, xa que os pneumáticos Bottas e Sainz xa estaban en pleno apoxeo. Hamilton volveu a saír ben nos dous reinicios. Kevin Magnussen e Nico Hülkenberg, desde a 4ª posición tras pasar a Sainz no segundo período de coche de seguridade, ambos retiráronse máis tarde na carreira con problemas mecánicos. Hamilton gañou a carreira diante de Ricciardo e Valtteri Bottas, mentres que Sainz conseguiu o seu mellor posto nas carreiras no cuarto lugar. Jolyon Palmer chegou a meta no sexto lugar para lograr os seus primeiros puntos na tempada, o mesmo fin de semana anunciouse que sería substituído por Sainz ao final da tempada. Os pilotoss non completaron a distancia de carreira programada de 61 voltas debido ao límite de 2 horas que se alcanzou, polo que a bandeira a cadros verificouse na volta 58.[9]
