Gerard Butler

Biografía
Nacemento	(en) Gerard James Butler 13 de novembro de 1969 (55 anos) Paisley (Reino Unido)
Grupo étnico	Pobo escocés e Pobo irlandés
Educación	Universidade de Glasgow Conservatorio Real de Escocia University of Glasgow School of Law (en) St Mirin's Academy (en) Scottish Youth Theatre (en)
Altura	1,88 m
Actividade
Ocupación	actor, avogado, actor de teatro, actor de cinema, produtor de cinema, actor de televisión
Período de actividade	1997 -
Familia
Irmáns	Brian Butler
Descrito pola fonte	Obálky knih,
Sitio web	gerardbutler.net

Gerard James Butler, nado o 13 de novembro de 1969 en Paisley, é un actor escocés de cinema, televisión e teatro.

Butler naceu en Paisley, Escocia, sendo o máis novo de tres irmáns e fillo de Margaret e Edward Butler. Os seus primeiros anos pasounos en Montreal (Canadá) e posteriormente volveu a Paisley trala separación dos seus pais. Criouse coa súa nai, quen casou de novo poucos anos despois. Non tivo contacto co seu pai até os dezaseis anos. Estudou Dereito na Universidade de Glasgow, onde foi presidente da Sociedade de Leis da Escola e traballou como avogado trala súa graduación.

Comezou a actuar a mediados dos anos 90 con pequenos papeis en producións como o filme de James Bond 007: O mañá nunca morre (1997), que foi seguido por traballos en televisión. O máis notábel deses traballos foi o telefilme norteamericano Atila o huno (2001) onde interpretou o personaxe principal. Recibiu a aclamación da crítica polo seu traballo en The Phantom of the Opera (2004) dirixido por Joel Schumacher. No 2007 interpretou a Leónidas I no filme 300. Dende entón, apareceu en proxectos como P.S. I Love You (2007), Nim's Island (2008), RocknRolla (2008), Un cidadán exemplar (2009) e The Bounty Hunter (2010). Tamén foi actor de voz no filme de animación How to Train Your Dragon (2010).

Wikimedia Commons ten máis contidos multimedia na categoría:  Gerard Butler