A Eurocopa 2016, oficialmente Campionato Europeo de Fútbol da UEFA de 2016 (en francés: Championnat d'Europe de football 2016) ou UEFA EURO 2016, foi a décimo quinta edición do torneo de seleccións nacionais europeas. Celebrouse en Francia[1] entre o 10 de xuño e o 10 de xullo e está organizada pola UEFA. Esta edición do certame foi a primeira que contou con vinte e catro de participantes na fase final, ampliándose desde 16, formato usado desde 1996.[2] Baixo esta nova forma de disputa, a primeira fase estendeuse de 4 a 6 grupos, e os clasificados a segunda fase, de 8 a 16 equipos. O gañador, Portugal, participará na súa calidade de campión na Copa Confederacións Rusia 2017. Francia foi elixida sede da competición o 28 de maio de 2010, despois de sobrepoñerse ás postulacións de Italia e Turquía. É a terceira ocasión en que este país alberga o campionato. Anteriormente organizara as edicións primeira en 1960 e sétima en 1984.
Elección do país anfitrión
Un día despois da reunión do Comité Executivo da UEFA, realizada o 12 de decembro de 2008 en Nyon, na que se aprobaron as regulacións das candidaturas para a Eurocopa 2016, o ente reitor do fútbol europeo iniciou o proceso de licitación para elixir o país anfitrión coa invitación a calquera das 53 asociacións membro que estivesen interesadas en organizar o torneo. Cinco federacións nacionais fixeron chegar á UEFA 4 ofertas antes da data límite fixada para o 9 de marzo de 2009. Estas foron: Francia, Italia, Turquía e a candidatura conxunta de Noruega e Suecia.[3]
Coñecidas as catro candidaturas a UEFA iniciou a revisión da elixibilidade dos postulantes sobre a base dos requisitos técnicos relativo ás infraestruturas necesarias e á experiencia previa das federacións, cidades e sedes na organización de acontecementos deportivos. Logo, o 3 de abril de 2009, distribuíronse os requisitos e persoais das candidaturas sobre a base dos cales os candidatos elaboraron os expedientes da súa oferta para ser presentados ante a UEFA ata o 15 de febreiro de 2010.
Suecia e Noruega oficializaron a súa candidatura conxunta o 26 de febreiro de 2009, con todo, en decembro do mesmo ano, decidiron retirarse do proceso debido á negativa dos seus gobernos de achegar o diñeiro necesario para financiar as obras de infraestrutura.[4]
Tras a retirada de Suecia e Noruega os tres candidatos restantes, Francia, Italia e Turquía presentaron ante o Comité de Competicións Nacionais de Equipos da UEFA os expedientes das súas candidaturas o 8 de febreiro de 2010 en Nyon (Suíza) e o 15 de febreiro foron oficializadas. Finalmente, seguiu unha etapa de visitas oficiais que se realizaron entre marzo e abril de 2010 na que axentes da UEFA viaxaron a cada un dos países aspirantes para examinar e preparar os informes de avaliación para o Comité de Competicións de Seleccións Nacionais.[5]
A elección realizouse o 28 de maio de 2010 no Espace Hippoméne en Xenebra (Suíza). O mecanismo consistiu en dúas roldas de votación na que os trece membros do Comité Executivo da UEFA que se atopaban aptos para votar (dous representantes de Italia e un de Turquía foron impedidos de votar por ser dos países implicados) elixiron á candidatura gañadora. Os procedementos de votación nas dúas roldas foron da seguinte maneira:[6]
Na primeira rolda os 13 votantes clasificaron ás 3 candidaturas como primeiro, segundo ou terceiro. A denominación de primeiro outorgaba 5 puntos, a denominación de segundo outorgaba 2 puntos e a de terceiro 1 punto. O candidato con menor puntuación foi eliminado.
Na segunda rolda os 13 votantes emitiron un voto simple e o candidato que obtivo unha maioría simple gañou a elección.
Italia quedou eliminada na primeira rolda ao obter só 23 puntos, mentres que Francia derrotou a Turquía na segunda rolda ao obter 7 votos contra os 6 votos que recibiron os turcos. Desta maneira Francia foi elixida como sede da Eurocopa 2016, sendo a terceira ocasión que organice este torneo.[7]
A organización conxunta por dúas asociacións membros está autorizada, e en circunstancias excepcionais, a organización do torneo por parte de tres membros tamén pode ser considerado factible. O proceso de licitación iniciouse oficialmente o 11 de decembro de 2008.[8]
A UEFA fixo público o regulamento de requisitos o 11 de decembro de 2008. Para a edición de 2016 necesitábanse nove estadios, xunto a outros tres estadios opcionais.[8]
A suxestión de carácter temporal dos requisitos mínimos dos estadios era a seguinte:
2 estadios con 50.000 localidades / 5 estrelas da UEFA
3 estadios con 40.000 localidades / 4 estrelas da UEFA
Equipo clasificado para a fase final. Equipo non clasificado para a fase final.
A clasificación para a Eurocopa 2016 iniciouse o 7 de setembro de 2014 e culminou o 17 de novembro de 2015, e nela participaron 53 das 54 asociacións nacionais afiliadas á UEFA. Neste proceso clasificatorio a selección de Xibraltar fixo o seu debut en competicións europeas despois da admisión da Asociación de Fútbol de Xibraltar como membro con pleno dereito en maio de 2013 por parte da UEFA. A gran sorpresa deuse coa eliminación da selección de fútbol dos Países Baixos nesta clasificación,[10] acabando na cuarta posición do grupo A, sen posibilidade sequera de acceder á repesca.
O torneo consistiu dunha fase de grupos na que os 53 participantes foron distribuídos en 9 grupos, 8 deles conformados por 6 equipos e un conformado por 5 equipos, os dous primeiros de cada grupo así como o mellor terceiro clasificáronse para a Eurocopa 2016, mentres que os 8 terceiros restantes pasaron a disputar a fase de play-offs de onde saíron os catro últimos clasificados.
Francia clasificouse automaticamente por ser o país anfitrión, con todo disputou partidos amigables contra os 5 equipos que conformaron o grupo I, estes partidos xogáronse nas mesmas datas en que levaron a cabo as xornadas deste grupo.
O sorteo da etapa clasificatoria realizouse no Palais des Congrès Acropolis de Niza (Francia), o 23 de febreiro de 2014.
Equipos clasificados
Trece dos dezaseis equipos (incluíndo á anfitrioa Francia) que se participaron na fase final da Euro 2012 volveron clasificarse para esta edición. Entre eles están Inglaterra, que foi o único en facer unha fase de clasificación perfecta con 10 vitorias en 10 encontros; os campións da anterior edición España; e os campións da última Copa do MundoAlemaña, para os clases esta foi a súa décima segunda clasficiación consecutiva para o torneo.
Por outra banda, Romanía, Turquía, Austria e Suíza volveron ao torneo tras non participar na edición de 2012, sendo ademais esta a segunda clasificación histórica para os austríacos, que tan só participaran na Euro 2008. Ademais selección de Bélxica volta ao torneo desde a Euro 2000 que co-organizara e Hungría desde a Euro 1972, sendo a súa primeira aparición nun gran torneo desde o Mundial de 1986. Os seguintes son os equipos claficados para o torneo. Na columna de aparicións previas no torneo, o ano en negra indica que o equipo gañou o título ese ano e en cursiva indica que foi o organizador.
Os horarios dos partidos corresponden á hora de Francia(UTC+2). Para máis información sobre cada encontro (aliñacións, trocos, sancións...) prema no resultado.
.jpg)
.jpg)
.jpg)
.svg){kind=small}
.svg){kind=small}
