Este artigo (ou sección) está desactualizado(a). A información fornecida mudou ou é insuficiente.

España foi un dos países que debutou no Festival de Eurovisión Júnior 2003, e é o que mellor percorrido e posicións levou no certame, obtendo unha vitoria en 2004 coa artista María Isabel e a súa canción Antes muerta que sencilla, dous segundos postos e un cuarto posto como posición máis baixa. A pesar dos seus bos resultados, a RTVE decidiu en 2007 non volver participar no certame porque, segundo Javier Pons, ex-director de RTVE, "fomenta estereotipos que non compartimos" e tamén pola "explotación" á que se someten os nenos.

No Festival de Eurovisión Júnior 2011, coa intención de aumentar o número de participantes para asegurar a viabilidade do concurso, a UER negociou ata o último momento coas televisións de España, Italia e San Marino. Se ben a RTVE amosou certo interese en participar no certame, España non puido confirmar a súa participación a tempo, polo tanto non puido participar nel. Agardábase que España retornara ao festival en 2014 cunha canle de televisión privada non-membro da UER (Atresmedia ou Mediaset España), sendo esta participación baixo permiso especial do organismo europeo pero problemas burocráticos o impediron.

Ano	Sede	Artista	Canción	Lugar	Puntos
2006	Bucarest	Dani Fernández	Te doy mi voz	4	90
2005	Hasselt	Antonio José	Te traigo flores	2	146
2004	Lillehammer	María Isabel	Antes muerta que sencilla	1	171
2003	Copenhaguen	Sergio	Desde el cielo	2	137

España deu máis puntos a:

Posición	País	Ptos.
1	Romanía	40
2	Dinamarca	26
3	Bélxica	22
4	Reino Unido	20
5	Belarús	19

España recibiu máis puntos de:

Posición	País	Ptos.
1	Romanía	40
2	Bélxica	39
3	Grecia	35
4	Suecia	34
5	Chipre	33

• España deu 12 puntos a:

Ano	País
2003	Dinamarca
2004	Romanía
2005	Romanía
2006	Romanía

• España no Festival de Eurovisión