A División de Honra Feminina, chamada dende a edición 2016/17 División de Honra Iberdrola por razóns de patrocinio, é a primeira división da liga nacional de equipos femininos de rugby que se disputa en España. Creada en 2010 pola Federación Española de Rugby, tomou o relevo da Copa da Raíña e do máis antigo Campionato de España como máxima competición nacional, coa diferenza fundamental de que aqueles eran torneos de eliminatorias que se disputaban cando remataba a tempada de ligas rexionais, e a actual competición ten un formato de liga que ocupa toda a tempada e un sistema de ascensos e descensos coa categoría inferior.
Na División de Honra enfróntanse os oito mellores equipos de España, que disputan unha liga regular de catorce xornadas a dobre volta entre os meses de outubro e abril. Trala liga regular os catro primeiros clasificados disputan as eliminatorias polo título de campión e o derradeiro descende de categoría. Antes da tempada 2017/18 a liga tiña un formato reducido de sete xornadas con semifinais e final.
Equipos 2022-23
Na tempada 2022-23 participan os seguintes oito equipos:
O palmarés da competicións está liderado polo INEF Barcelona, cun total de catro títulos de Divisións de Honra. O vixente campión de liga é o equipo sevillano do Universitario RC.
.svg){kind=small}