Charlize Theron

Biografía
Nacemento	7 de agosto de 1975 (49 anos) Benoni (cidade), Suráfrica (pt)
Residencia	Os Ánxeles
Altura	177 cm
Lateralidade	manicho
Actividade
Ocupación	actriz, actriz de televisión, actriz de cinema, produtora, modelo, actriz de dobraxe
Período de actividade	1995 -
Partido político	Partido Demócrata
Participou en
23 de xaneiro de 2013	Encontro Anual do Foro Económico Mundial de 2013
Familia
Parella	Sean Penn (2013–2015) Stuart Townsend (2001–2010)
Fillos	Jackson Theron  () August Theron  ()
Pai	Charles Theron
Premios
(2009)  Premio Grandes Inmigrantes (2008)  Hasty Pudding Woman of the Year (2006)  GLAAD Vanguard Award (en) (2004)  Óscar á mellor actriz, premiado polo traballo Monster  lista de atrizes premiadas com o Prêmio Saturno (pt) , premiado polo traballo Mad Max: Furia na estrada  estrela no Paseo da Fama de Hollywood  Premios Xúpiter
Descrito pola fonte	Obálky knih, Babepedia
Sitio web	charlizeafricaoutreach.org

Charlize Theron,^[1] nada o 7 de agosto de 1975^[2] en Benoni, Gauteng, Suráfrica é unha actriz, produtora e modelo surafricana^[3] e estadounidense. É unha das actrices mellor pagadas do mundo, e ao longo da súa carreira recibiu varios galardóns, incluíndo un Premio Óscar, un Screen Actors Guild Award e un Globo de Ouro.^[4][5][6] En 2016, a revista Time considerouna unha das 100 persoas máis influentes do mundo.

Theron acadou a fama internacional durante a década de 1990 en filmes como Pactar co demo (1997), Mighty Joe Young (1998) e As normas da casa da sidra (1999). Recibiu a aclamación da crítica intepretando a asasina en serie Aileen Wuornos en Monster (2003), o cal lle valeu un Oso de Prata e un Óscar á mellor actriz, converténdose na primeira surafricana en gañar un Óscar nunha categoría de interpretación. Recibiu outro nomeamento aos Óscar polo seu papel en En terra de homes (2005).

Theron naceu en Benoni,^[7] na antiga provincia surafricana de Transvaal e hoxe en día provincia de Gauteng. Filla única de Gerda Maritz^[8] (tamén coñecida como Gerta)^[9] e Charles Theron.^[8] A súa nai posúe ascendencia alemá e o seu pai ascendencia francesa occitana e neerlandesa. A actriz é descendente dos primeiros colonos hugonotes e o seu tatara-tío foi Danie Theron,^[10] quen tivo un papel importante na guerra anglo-bóer. Theron é un apelido occitano (orixinalmente escrito Théron) que se pronuncia en afrikaans como Tronn, malia que ela declarou en entrevistas que en Suráfrica o seu apelido pronúnciase como Thrown.^[11] Cando se mudou aos Estados Unidos cambiou a pronunciación do seu apelido.

Aínda que fala inglés fluidamente, o seu idioma materno é o afrikaans.^[12][13][14] Medrou na granxa dos seus pais en Benoni,^[14] preto de Xohanesburgo. O seu pai morreu o 21 de xuño de 1991, despois de que a súa nai lle disparase. Charles Theron, quen era alcohólico, atacou fisicamente á súa nai e ameazou a ambas mulleres mentres estaba baixo os efectos do alcohol.^[15] O xurado declarou que o homicidio foi en defensa propia e a súa nai foi absuelta de todos os cargos.^[16][17]

Theron asistiu á escola primaria Putfontein (Laerskool Putfontein) e segundo as súas declaracións aqueles anos foron un período no que tivo problemas de integración.

Adoitaba usar lentes de nerd porque non podía ver e non gustaba aos rapaces. [...] Non tiña mozos, mais si moitos namoramentos [...] Non estaba no grupo dos populares. Na escola había unha rapaza moi popular e estaba obsesionada con ela [...] Unha vez chorei porque non puiden sentar xunto a ela [...] De feito recibín moita antipatía das rapazas malas entre os 7 e os 11 anos. Máis ou menos era un desastre na escola primaria. Cando ingresei na secundaria logrei sacar todo do meu sistema e era máis inmune a ese tipo de cousas.^[18]

Aos trece anos foi enviada a un internado e iniciou os seus estudos na National School of the Arts en Xohanesburgo.^[19]

Por favor, axuda na mellora deste artigo ou sección ampliando a información que achega. Se cadra, podes atopar máis información na páxina de conversa.

Wikimedia Commons ten máis contidos multimedia na categoría:  Charlize Theron