Bruchsal é unha cidade de Alemaña, no estado federal de Baden-Württemberg cunha poboación de 44.104 habitantes, 20 km do norte de Karlsruhe, é a cidade máis grande desta comarca. A vila é coñecida por ser o mercado máis grande de espárragos de Europa.
Historia
Cambios de Municipio
Á cidade de Bruchsal agregáronselle ao longo dos anos diferentes municipios da zona, que anteriormente pertencían á provincia de Bruchsal e agora á cidade.
1 de xullo de 1971: a cidade de Obergrombach e zonas de Untergrombach
1 de xullo de 1972: a zona de Büchenau e Helmsheim
O edificio por excelencia da cidade é o Château of Bruchsal, palacio de estilo barroco, residencia do príncipe-bispo de Speyer, que comezou a construírse no ano 1720 da man do do arquitecto Maximilian von Welsch. É de destacar no seu interior a escaleira barroca, deseño orixinal de Balthasar Neumann, que se considera un dos mellores exemplos de escaleiras no seu estilo.
Tamén atopamos o Belvedere, unha casa de campo situada no xardín municipal. Dende ela tense o bo punto de vista da cidade.
Educación
Na cidade atópase a International University of Germany, unha das universidades privadas con máis fama de Alemaña.
Política
Armas da cidade
As armas da cidade, empregadas dende hai moitos séculos, mostran unha cruz de prata en fondo azur cunha bola prateada no recuncho superior esquerdo. As cores do escudo son as da cidade, o branco e o azul. A cruz representa a Speyerische Kreuz xa que até o ano 1803 foi a cidade residencial do príncipe-bispo Speyer. A bóla superior é posibelmente unha errata transmitido ao longo dos anos, debido a que nas representacións antigas das armas esta non aparece.
Cidades Irmandadas
A cidade de Bruchsal mantén relaciones de irmandade con outras cidades do mundo:
.jpg)
_COA.svg){kind=small}
