A 1.ª entrega dos premios Óscar tivo lugar o día 16 de maio de 1929 no Hollywood Roosevelt Hotel dos Ánxeles (Estados Unidos). O mestre de cerimonias foi Douglas Fairbanks. Os billetes custaban 5 dólares e 270 persoas asistiron ao acto, que durou 15 minutos. Foi a única cerimonia dos Óscar que non foi emitida por radio nin por televisión.

Os filmes elixibles foron os estreados en 1927 e 1928 e os gañadores foron anunciados tres meses antes da cerimonia. Algúns dos candidatos foron anunciados sen referirse a un filme concreto, como na categoría de mellores efectos de enxeñaría.

Os principais filmes gañadores foron 7th Heaven e Sunrise, que gañaron tres premios cada un, e Wings, que recibiu dous premios. Sunrise gañou o premio á Mellor produción singular e artística e Wings o de mellor filme destacado. As dúas categorías consideráronse igualmente o premio maior da noite, tratando de honrar aspectos diferentes e importantes do cinema. O ano seguinte, a Academia suprimiu o premio á produción singular e artística e decidiu retroactivamente que o premio gañado por Wings era o premio máis importante outorgado.^[1]

Os gañadores aparecen en primeiro lugar e en grosas.

• Charlie Chaplin, por interpretar, dirixir e producir The Circus.
• Warner Brothers Production por producir The Jazz Singer, primeiro filme falado.

Referencias

A Galipedia ten un portal sobre: Cine

• Cosgrave, Bronwyn (2007). Made for Each Other: Fashion and the Academy Awards (I ed.). Nova York: Bloomsbury Publishing USA. ISBN 978-0-7475-7630-3. OCLC 74523691. 
• Eyman, Scott (2005). Lion of Hollywood: the life and legend of Louis B. Mayer (I ed.). Nova York: Simon & Schuster. ISBN 0-7432-0481-6. OCLC 57506846.