Oharra:Atal honek istorio osoa edo amaiera argitzen du.
AEB, Depresio Handiaren garaia. Ned eta Jim (Robert De Niro eta Sean Penn) espetxe batetik ihes egin berri duten preso parea dira, Kanadako mugan dagoen New York estatuko herri txiki batera ailegatu dira, bertan oharkabean muga igaro eta alboko herrialdera iristeko asmoz. Baina herrian bertako monasterio katolikora joateko zain dauden bi kapelaukin nahastuko dituzte eta fraideen komunitatean bizitzera eramango dituzte, muga nola eta noiz atzemanak izan gabe igaro gogoeta egiten duten bitartean.
Hori gutxi ez balitz espetxeko zuzendaria (Ray McAnally) ihesa gauzatu izanaz guztiz amorraturik dago, horregatik iheslariak nola edo hala atzeman eta berriz ere espetxeratzeko asmoz haien bila nabiatuko da, bi ustezko kapelauek muga igarotzeko Molly (Demi Moore) herriko arropa-garbitzaile eta emagaldu erakargarriaren laguntza izango dute.
