Uliako parkea
2014ko Musika Parkean jaialdia Uliako parkean.
Kokapena
Koordenatuak	43°19′40″N 1°57′07″W / 43.32782°N 1.95196°W / 43.32782; -1.95196

Uliako parkea Gipuzkoako Gros, Ategorrieta-Ulia eta Miracruz-Bidebieta auzoetan dagoen parke bat da. Hiriko berdegunerik handiena da, denera 318.249 metro karratuko azalerarekin Ulia mendiaren zati handi bat barne hartzen du. Ulia mendiak Donostia eta Pasaia lotzen ditu, kostaldeko labar ikusgarrien ertzean zehar.

Gros auzotik oinez igo daiteke, edo, bestela, autoz, Ategorrieta hiribidetik.

Oso handia denez, flora mota ugari du. Mendiaren gorenean, gazte aterpetxe bat, "pic nic" egiteko gune bat eta antzinako uso tirorako instalazioak daude, itsasoaren gaineko terrazadun taberna txiki baten ondoan. Besteak beste lore mota hauek aurkitu ditzakezu parkean: Bioleta, Basa bitxilorea, Garikota, Izar belar arrunta, Hirusta, Txara beltza, Ezpata-plantaina, Lilipa, Basadute (Beronika), Mukibelarra, Atxaparra, Zaingorria, Euphorbia, Eszila, Orkidea, Txikori belarra, Anbulu zuria.^[1]

Joan den mendean Donostian uda pasatzen zuten aristokratak askotan joaten ziren bertara. Gailurrean oraindik errota formako teleferiko txiki baten geltokiaren aztarnak ikus daitezke. Handik gertu dagoen harkaitz bat baleak ikusteko talaiatzat erabiltzen zuten donostiar baleazaleek Erdi Arotik.^[2]

Josetxo Mayor gizona ezaguna da 1986 urtetik 2017ra bitarte Ulia parkeko bideak garbitzen ibili zelako, beti musu-truk.

Ulia mendia ez da ederra izateagatik soilik nabarmentzen, baita Donostiako aparteko ikuspegia izateagatik ere; izan ere, bertatik, Urgull, Santa Klara uhartea eta Igeldo mendia lerro batean ikusten dira, mendi bakarra izango balira bezala.

Eguna eta orduaren arabera Uliako Interpretazio Zentroa bisitatu daiteke. Parkeko erakusketa iraunkorra ikus daiteke bertan: fauna eta flora, itsas-ekosistemak, historia, ondarea eta paisaiaren eraldaketa kulturala.^[3]

Uliako Itsaslabarrak Donostiatik Pasaiaraino dagoen kostaldea da. Flora eta fauna aldetik duen balioarengatik Europako naturagune babestua da (BGL), 1992ko maiatzean Europako Kontseiluak 92/43 zuzentarau onartu zuen habitat natural, flora eta faunaren kontserbazioaren ingurukoa.

1997ko abenduan, beraien habitat, fauna eta flora ikusita, Eusko Jaurlaritzak Uliako Itsaslabarrak Batasunaren Garrantzizko Lekua (BGL) izendatzea proposatu zuen, Bruselara horren fitxa bidaliz (Kodea: ES2120014; azalera: 43 ha).

2004ko abenduan eremu honen BGL izendapen ofiziala egin zen Europako naturgune babestua bihurtuz, Natura 2000 sarean sartuta.^[4][5][6]

Uliako parkeak espezie asko aurkitu daitezke besteak beste hauek: Muskerrak, burruntziak

• Zomorrotxoak Uliako parkean
• 
  Mendebaldeko musker berdea (lacerta bilineata)
• 
  Burruntzia (Anax imperator)
• 
  Ur-igela arrunta
• 
  Txixtiburduntzia
• 
  Marisorgina (Mantis religiosa)
• 
  Kotxorroa (Melolontha)
• 
  Mimas tiliae
• 
  Mirido
• 
  Euli berezia
• 
  Euli berezia
• 
  Gurgurioa
• 
  Panorpa
• 
  Marigorringoa (14koa)
• 
  Marigorringo (22koa)
• 
  Pulgoia
• 
  Listorra
• 
  Matellina
• 
  Eulia
• 
  Misumena vatia armiarma
• 
  Misumena vatia armiarma
• 
  Sitsa
• 
  Armiarma, Sinaema globosun
• 
  Kakalardoa, Timarcha tenebricosa
• 
  Matxinsaltoa erruketan

• Ulia.
• Josetxo Mayor.
• Ulia mendiko aireko tranbia (1907-1912).
• Wikiproiektu: Uliako Lore-baratzeak.

• Ulia B motako ingurune babestua Natura 2000 barruan
• «Ezagutu Ulia zure etxetik - Cristina Enea Fundazioa» www.cristinaenea.eus . Noiz kontsultatua: 2020-06-28.
• Ayer y hoy en UliaAspaldiko eta 2009ko argazkiak (3kitixa, Slideshare, 2009)

	Donostiako parkeak
Aieteko parkea • Alderdi Eder • Ametzagainako parkea • Arabako parkea • Arbizketa parkea • Arkazieta parkea • Basoerdi parkea Bidebietako parkea • Boulevardeko parkea • Castelao parkea • Erregina Erregenetearen parkea • Errotaburuko parkea • Etzieta parkea Eustasio Amilibia parkea • Frantziako pasealekua • Kristina Eneako parkea • Gipuzkoa plazako parkea • Harriako parkea • Koldo Mitxelena parkea • Larratxoko parkea • Luis Villasante parkea • Melodi parkea • Miramar Jauregiaren parkea • Miramoneko parkea Okendo plazako parkea • Ondarretako lorategiak • Orio parkea • Oroitzapenaren lorategia • Otxokiko parkea • Pagola-Damazelai parkea • Puioko parkea • Salvador Allende parkea • Santa Katalinako parkea • Serafin Baroja parkea • Siustegi parkea • Uliako Mintegietako parkea • Uliako parkea Urgullgo parkea • Zaragoza plazako parkea • Zilegi parkea • Zubimusuko parkea