The Fearless Vampire Killers
Jatorria
Argitaratze-data	1967
Izenburua	The Fearless Vampire Killers
Jatorrizko hizkuntza	ingelesa
Jatorrizko herrialdea	Erresuma Batua eta Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	comedy horror (en) , beldurrezko zinema, vampire film (en) eta LGBTeei buruzko filma
Iraupena	108 minutu
Kolorea	koloretakoa
Zuzendaritza eta gidoia
Zuzendaria(k)	Roman Polański
Gidoigilea(k)	Roman Polański Gérard Brach
Antzezlea(k)
Jack MacGowran Sharon Tate Ferdy Mayne Roman Polański Sydney Bromley (en) Alfie Bass (en) Terry Downes (en) Jessie Robins Ronald Lacey Fiona Lewis Iain Quarrier (en) [[Kategoria:Sydney Bromley (en) antzeztutako filmak]] [[Kategoria:Alfie Bass (en) antzeztutako filmak]] [[Kategoria:Terry Downes (en) antzeztutako filmak]] [[Kategoria:Iain Quarrier (en) antzeztutako filmak]]
Ekoizpena
Ekoizlea	Gene Gutowski (en) [[Kategoria:Gene Gutowski (en) ekoitzitako filmak]]
Edizioa	Alastair McIntyre (en)
Ekoizpen-diseinatzailea	Wilfred Shingleton (en)
Bestelako lanak
Musikagilea	Krzysztof Komeda
Argazki-zuzendaria	Douglas Slocombe
Fikzioa
Kontakizunaren tokia	Transilvania

The Fearless Vampire Killers, or Pardon Me, But Your Teeth Are in My Neck (euskaraz Banpiro hiltzaile izukaitzak, edo Barka, baina zure hortzak nire lepoan daude), laburtuta The Fearless Vampire Killers, Erresuma Batuan Dance of the Vampires (Banpiro hiltzaile izukaitzak edo Banpiroen dantzaldia) 1967an Roman Polański poloniar zinema zuzendariak zuzendutako beldurrezko komedia filma da. Jack MacGowran, Roman Polański, Alfie Bass, Jessie Robins, Sharon Tate, Ferdy Mayne, Iain Quarrier, Terry Downes eta Fiona Lewis aktoreek antzeztu zuten.

Film horretan oinarriturik, Dance of the Vampires (1997) izeneko musikala egin burutu zen.

XIX. mendearen erdialdera, negu gorrian eta elurtealdi izugarrian, Anbrosius irakaslea (Jack MacGowran), bere izaera eta pentsaera xelebreen ondorioz lankideek erotzat jo eta Königsbergeko Unibertsitatetik kaleratua, eta haren laguntzaile leial Alfred gaztea (Roman Polański) Transilvaniako herrixka batera iritsi berri dira, bertan izan diren gertaera arraroak ikertu nahian. Berehala, banpiroen ekintzak ote direlako susmoa dute.

Shagal ostalariaren (Alfie Bass), emazte Rebecaren (Jessie Robins) eta haien alaba Sara ederraren (Sharon Tate) ostatuan ostatu hartu dute. Alfred Saraz maitemindu da, baina neska desagertu eta banpiroren batek bahitu duelako zurrumurrua zabaldu da. Herrixkatik hurbil, aristokrata misteriotsu batzuen gaztelua dagoela ikasi dute: han, Von Krolock (Ferdy Mayne) konde zitala eta haren seme Herbert (Iain Quarrier) bizi dira.

Irakaslea banpirismoan aditua da eta azken urteetan Ekialdeko Europa osoan barna haien bila nekagaitz aritu ondoren, banpiroekin aurrez aurre topatzeko irrikitan dago. Horrela, egiaz badaudela erabat sinisturik, Anbrosius eta Alfred, neska aurkitzeko aitzakiaz, gaztelura joan eta bertan banpiroak ote dauden ikertzen saiatu dira; horrela, ez-hildakoen fenomenoari erantzun zientifiko eta enpirikoa topatu, Anbrosiusek banpiroei buruzko bere teoriak egia direla frogatu, ospea berreskuratu eta zientzialarien komunitatearen begirunea bereganatzeko asmoa du.

Azkenean, gazteluan direla, filmari izenburua ematen dion dantzaldira joan, eta euren jakin-min eta galderek erantzun beldurgarria dute.

• Jack MacGowran, Abronsius irakaslea
• Roman Polanski, Alfred, Abronsiusen laguntzailea
• Ferdy Mayne, Von Krolock kondea / Narratzailea
• Iain Quarrier, Herbert Von Krolock, kondearen semea
• Terry Downes, Koukol, Krolock kondearen morroia
• Alfie Bass, Yoine Shagal, ostalaria
• Jessie Robins, Rebecca Shagal, ostalariaren emaztea
• Sharon Tate, Sarah Shagal, ostalariaren alaba
• Fiona Lewis, Magda, ostatuko neskamea

Roman Polańskiren kolorezko lehen filma izan zen. Hammer Film Productions ekoiztetxe britainiarrari esker, beldurrezko filmen atalean, banpiroen zineman —garai hartan erabat modan zegoen— sakontzen da. Modu bikainean filmatu zen, batzuen esanetan berezko genero horretako film asko gainditu zituen. Polańskik berak paper nagusietako bat antzeztu zuen, haren alboan Sharon Tate aktorea —gerora emazte izan zuen— agertzen da.

Bitxikeria gehigarri gisa, "banpiro" hitza ez da inoiz ere esaten: izazki haietaz mintzatzean, "eurak", "haiek" edo "beraiek" hitzak darabiltzate.

• The Fearless Vampire Killers filmaren trailer edo iragarkia ikusgai. Youtube.com (Ingelesez)
• The Fearless Vampire Killers filmako IMDBko fitxa ikusgai (Ingelesez)
• The Fearless Vampire Killers filmako Allmovie fitxa ikusgai (Ingelesez)