Milan Aleksić, ziriliko serbiarrez Милан Алексић (Belgrad, Serbia, 1986ko maiatzaren 13a), waterpoloko jokalari serbiarra da, eta atzelari moduan jokatzen du. Barceloneta taldean eta Serbiako gizonezkoen waterpolo selekzioan jokatzen du. 2012an, brontzezko domina olinpikoa eskuratu zuen, eta 2016 eta 2020an, berriz, urrezko domina olinpikoa. Munduko titulua ere lortu zuen 2009 eta 2015ean, eta Europako titulua 2012, 2014 eta 2016an. Kluben lehiaketetan, bere lorpenik nabarmenenak, LEN Euroliga eta LEN Superkopa dira 2011n, Partizan Raiffeisenekin irabazi zuena[1][2].
Ibilbidea klubetan
Partizan Raiffeisen
2011ko urriaren 22an, Aleksićek Euroligako Taldeko lehen itzulian, gola sartu zuen, halere, Szeged Beton VEren aurka 8-9 galdu zuten. Azaroaren 9an, bere bigarren gola sartu zuen Euroliga Taldeko bigarren itzulian, TEVA-Vasas-UNIQAren aurka 10-10 emaitzeko partidan. Azaroaren 26an, txapelketako hirugarren gola sartu zuen 9-6 Euroligako hirugarren itzulian, ZF Eger-i Belgraden irabazita. Bi gol sartu zituen abenduaren 14an Euroligako laugarren jardunaldian, ZF Egerren aurka 12-8 galduta, 2. porrota izango zena. Otsailaren 8an, bi gol sartu zizkion Partizani Euroligako Taldeko bosgarren jardunaldian; bere taldeak arazo handirik gabe irabazi zuen 9-5 TEVA-Vasas-UNIQAren aurka. Otsailaren 26an, Aleksićek bere azken gola sartu zuen Euroligako Taldeko azken txanpan, bere taldeak 9-8 galdu zuen Szeged Beton VEren aurka, eta lehiaketatik kanpo geratu zen. Martxoaren 1ean, gola sartu zuen VK Vojvodinaren aurka, 10-9 irabazita "A Ligako" laugarren jardunaldian.
Ibilbidea selekzioarekin
2012ko urtarrilaren 17an, Serbiaren bigarren partidan, Aleksićek bere lehen gola sartu zuen Europako Txapelketan, Alemaniaren aurka; serbiarrek 13-12 irabaziko zuten. 2012ko urtarrilaren 19an, txapelketako hirugarren partidan, bere bigarren gola sartu zuen 15-12 garaipen zail batean, Europako txapeldun defendatzailearen, Kroaziaren, aurka.
100. partida Serbiako selekzioarentzat. Urtarrilaren 23an, Aleksićek 100. partida ofiziala jokatu zuen bere selekzioarekin, A multzoko azken jardunaldian gola sartuz, Serbiak Montenegroren aurka galdu zuen 11-7ko emaitzarekin.
Urtarrilaren 27an, bi gol sartu zituen Italiaren aurka 12-8ko finalerdi batean. Milan Aleksićek 2012ko Europako Txapelketa irabazi zuen Serbiarekin urtarrilaren 29an. Montenegroren aurkako finalean, gol bat sartu zuen; bere selekzioak 9-8 irabaziko zuen[3] Hau izango zen bere lehen urrezko domina Europako Txapelketan.
Olinpiar Jokoak
2012ko Udako Olinpiar Jokoetan, Aleksić brontzezko domina irabazi zuen Serbiako taldean izan zen. Kroaziak urrezko domina eskuratu zuen, eta Italiak zilarrezkoa.
2016ko Udako Olinpiar Jokoetan, Aleksić urrezko domina irabazi zuen Serbiako taldean izan zen. Kroaziak zilarrezko domina, eta Italiak brontzezkoa eskuratuko zuten.
2020ko Udako Olinpiar Jokoetan, Aleksić urrezko domina irabazi zuen Serbiako taldean izan zen.
Greziak, zilarrezkoa, eta Hungariak brontzezkoa eskuratuko dute. Serbiaren taldea honako hauek ordezkatu zuten: Milan Aleksić, Nikola Dedović, Filip Filipović, Nikola Jakšić, Đorđe Lazić, Dušan Mandić, Branislav Mitrović, Stefan Mitrović, Duško Pijetlović, Gojko Pijetlović, Andrija Prlainović, Sava Ranđelović eta Strahinja Rašović-ek[4][5].
Udako Olinpiar Jokoetako emaitzak
Ohoreak
Kluba
VK Partizan
- Serbiako Txapelketa Nazionala: 2006–07, 2007–08, 2008–09, 2009–10, 2010–11
- Serbiako Kopa Nazionala: 2006–07, 2007–08, 2008–09, 2009–10, 2010–11, 2011–12
- LEN Txapeldunen Liga : 2010–11
- LEN Superkopa : 2011
- Eurointer Liga : 2010, 2011
Erreferentziak
Kanpo estekak
