Lyongo I. kontzilioa
Mota	sinodo
Denbora-tarte	1245eko ekainaren 26a - 1245eko uztailaren 17a
← Laterango IV. Kontzilioa Lyongo II. kontzilioa →

Lyongo lehen Kontzilioa XIII. kontzilio ekumenikotzat eta Mendebaldean egindako bosgarrentzat jotzen du Eliza katolikoak. Hiru saiotan egin zuten (1245eko ekainaren 28an, uztailaren 5ean eta uztailaren 17an) Frantziako Erresumako hiri horretan.

1245eko urtarrilaren 3an Inozentzio IV.a aita santuak deitu zuen Frederiko II.a errege eta enperadore tituluetatik kentzeko, Eliza Katolikoaren ondasunen usurpatzaile eta zapaltzaile gisa salatuz.^[1]

Bere hiru saioen emaitza gisa, 38 kanon eman ziren, eta horietan:

• Frederiko II.a enperadorea kargutik kendu eta eskumikatu zuten,
• Antso II.a Portugalgo erregea eskumikatu zuten,
• zistertarrak hamarrenak ordaintzera behartu zituzten,
• kapela gorria ezarri zuten kardinalen janzkerari zegokionez
• ortodoxoek jarraitu beharreko erritu- eta doktrina-adierazpenak egin zituzten, haiek hurbiltzeko neurri gisa.

Gurutzada baterako deia egin zen (Zazpigarrena), eta Luis IX.a Frantziakoa (San Luis) izendatu zuten haren buru.

Ez zuten dekretu dogmatikorik eman.