PROFILPELAJAR.COM

Kolon
	Geltokiaren fatxada nagusia.
	Kokapen mapa
Lineak
Kokapena
Helbidea	Kolon paselakua, 52; 20301
Udalerria	Irun, Gipuzkoa
Geltokiaren datuak
Gunea	1. gunea
Irekiera	1912ko abenduaren 5a
Bidaiariak	645.163 (2017)
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Lasarte-Oria ↔ Hendaia
Lurraldebus	E24 Irun - Donostia Ibaeta ; E25 Hondarribia - Irun (F. Calbeton) ; E26 Irun - Errenteria - P. Antxo - Donostia ; E27 Hondarribia - Irun - Errenteria - P. Antxo - Donostia ; E28 Hondarribia - Irun - AP-8 - Donostia ; E77 Hondarribia - Irun - Errenteria - P. Antxo - Donostia ; E78 Hondarribia - Irun - F. Calbeton
Txik Txak	31 Puiana - Hendaia Hondartza
Irunbus	L1 Zaisa - Ospitalea ; L2 San Juan - Bentak - Txingudi ; G1 Gautxori Behobia ; G2 Gautxori Bentak

Ez nahasi Donostiako Renfe Aldiriak sarearen Irungo geltokiarekin.

43°20′27″N 1°47′46″W / 43.340825°N 1.795997°W

Kolon (Irún-Colón, gaztelaniaz) Euskotrenen E2 (Topo) lineari dagokion lurgaineko tren geltokia da, Irun udalerriko erdigunean kokatuta dagoena, izena Kolon pasealekuan egoteagatik datorkiola, hain zuzen ere. Donostia eta Irun arteko Topo zerbitzua irekitzearekin batera 1912ko abenduaren 5ean inauguratu zen,^[2] eta Mugi sistemaren 1. tarifa-gunearen parte da. Topo linearen geltoki-burua izan zen, hurrengo urtean trenbidea Hendaiako geltokira luzatu zen arte.

2017an 645.163 bidaiari zenbatu zirela, geltokia Topo zerbitzuaren hirugarren geltokirik erabiliena izan zen, Amara-Donostia eta Anoetako geltokien atzetik.^[1]

2012an linea osoko errotuluak zaharberritu zituztenean geltokia berrizendatu zuten, Irún-Colón izenetik gaur egun duen Irun Colon izenera, azentu-marka guztiak ezabatuz. Hala, izendapena ez gaztelaniaz (Colón) ezta euskaraz ere (Kolon) ez dago ondo idatzita.

Kokapena

Trenbide kokapenari erreparatuz, geltokia zabalera metrikoa (1.000 mm) duen Donostia-Hendaia trenbidearen parte da, 19,670. puntu kilometrikoan kokatuta.^[3]

Sarbideak

Geltokiak bi sarbide ditu, nagusia Kolon pasealekuan dagoen geltokiaren bestibulura, eta bigarren mailakoa nasen mailan dagoen bizikleta aparkalekura. 2017an Euskal Trenbide Sareak Aureliano López de Becerra kaletik Kolon ibilbidera heltzeko ibilbidea hobetu zuen, geltoki inguruko pasonibela ezabatuz eta igogailu bat ezarriz, geltokira heltzeko hirugarren sarbidetzat har daitekeena sortuz. Nasa aldaketa posiblea da trenbideen mailan dagoen pasonibela gurutzatuz, laster igogailu batengatik ordeztuko dena.^[4]

Kolon ibilbidea, 52; geltokiaren bestibulua
Zipriano Larrañaga kalea, 22
Aureliano López de Becerra kalea, 1

Geltokia

Geltokiak Kolon pasealekuan du sarbide nagusia, bi etxebizitza eraikin artean kokatuta dagoen bestibulura. Bestibuluak solairu bakarra du eta txarteldegiak, balioztatze-makinak eta nasetara jaisteko eskailerak eta igogailua jasotzen ditu, azken hau Lasarte-Oria norantzako nasan baino ez. Behealdean, Kolon pasealekuari elkartzut, bi trenbide eta bi alboko nasa garatzen dira. Nasen arteko aldaketa trenbideen mailan dagoen pasonibela gurutzatuz egiten da. 2018an zehar Hendaia norantzako nasan igogailua ere instalatuko da, eta lanak amaitzean nasak gurutzatzeko pasonibela kenduko da.^[4]

Gainera, behe-mailan bigarren mailako sarbidea dago, Zipriano Larrañaga kalean, non Topoaren erabiltzaileentzako bizikleta aparkaleku estalia eta balioztatze-makina bat dagoen.

2017ko irailaren 25ean Euskal Trenbide Sareak igogailua eraiki zuen Aureliano López de Becerra kalean, Kolon pasealekuko bestibuluaren aurrean, horrekin batera geltoki inguruan zegoen pasonibela ezabatuz.^[5]