Katixa Agirre
Irudi gehiago
Bizitza
Jaiotzako izen-deiturak	Katixa Agirre Miguélez
Jaiotza	Gasteiz, 1981eko urriaren 27a (43 urte)
Herrialdea	Araba, Euskal Herria
Hezkuntza
Hizkuntzak	euskara gaztelania
Jarduerak
Jarduerak	idazlea eta unibertsitateko irakaslea
Enplegatzailea(k)	Euskal Herriko Unibertsitatea
Jasotako sariak	ikusi 111 akademia saria  (2015) : Atertu arte itxaron Igartza Saria  (2007)
Kidetza	NOR ikerketa taldea

Katixa Agirre Miguélez (Gasteiz, Araba, 1981eko urriaren 27a) euskal idazlea da, mundu osoan itzulia.

Ikus-entzunezko komunikazioan doktorea da, eta EHUn alor horretako irakasle.^[1] Atzerriko hainbat unibertsitatetan ibili da ikerlari, baina egun Bilbon bizi da. 2007an argitaratu zuen bere lehen liburua, Sua falta zaigu, ipuinek osatutakoa. Zutabegilea izan da Diario de Noticias de Alava, Deia, Aizu! eta Argia argitalpenetan kolaboratzen du. 2003an Ernestina de Champourcín poesia saria irabazi zuen, eta 2005ean Emakumeak Kontari ipuin-lehiaketa. 2007an Igartza Saria jaso zuen, hasiera hartan Etxetik irten gabe izenburua izatekoa zen ipuin-liburua idazteko; emaitza 2009ko otsailean argitaratu zuen, baina Habitat izenburuarekin. Horrez gain, umeentzako hainbat liburu ere idatzi ditu, Paularen seigarren atzamarra, Ez naiz sirena bat, eta zer? eta Patzikuren problemak. 2010ean, Amaia Lapitz saila hasi zuen, gazteentzako nobela sorta bat, Amaia Lapitz abenturazalearen istorioak kontatzen dituena. Hiru ale ditu saga horrek orain arte.

2015ean bere lehenengo eleberria argitaratu zuen, Atertu Arte Itxaron (Elkar), gazteleraz Los turistas desganados (Pre-textos, 2017) bezala argitaratu zena eta gerora hainbat hizkuntzatara itzuli dena, bulgariera eta daniera barne. Eleberri honengatik 111 Akademia saria lortu zuen. 2018an etorri zen, eta Augustin Zubikarai bekari esker, bere bigarren eleberria argitaratu zuen, Amek ez dute, ^[2][3] arrakasta handia ekarri dion amatasunari buruzko fabula iluna. Liburua dozena bat hizkuntzetara itzuli da eta zine-adaptazio bat izan du, Mar Coll zinegile katalanak Salve Maria pelikula egin baitzuen Agirreren eleberrian oinarrituta. Pelikula Locarnoko zinemaldian estreinatu zen 2024ko abuztuan.

2022an bere azken eleberria argitaratu zuen, Berriz zentauro, etorkizuneko Paris batean kokatutako eleberri espekulatiboa. Azken eleberri hau gaztelerara, katalanera eta galegora itzuli da.

Proiektu multidisziplinarretan parte hartu izan ohi du, hala nola Kaxkaxkax ikuskizuna Maite Larburu musikariarekin batera edota Gorputzaren atzean Josu Rekalde bideoartistarekin batera.

2020an COVID-19k eragindako egoeraren aurrean Komunitatea zaindu tratu txarrak alboratuz idazkia sinatu zuen dei eginez gizarte osoari, bere instituzio eta erakunde sozial eta sindikalei komunitatearen zaintza babes zezaten, krisiaren aurrean elkartasuna indartu eta herritarrak, bereziki larriago pairatzen ari direnak, tratu txarrak jasatetik babes zitzatela eskatuz.^[4]

• Sua falta zaigu. (Elkar, 2007).
• Habitat. (Elkar, 2009).

• Atertu arte itxaron. (Elkar, 2015).
• Amek ez dute (Elkar, 2018). 2016ko Zubikarai beka.
• Berriz zentauro (Elkar, 2022).^[5][6]

• Paularen seigarren atzamarra. (Elkar, 2007).
• Ez naiz sirena bat, eta zer?. (Elkar, 2009).
• Patzikuren problemak. (Elkar, 2010).
• Amaia Lapitz eta erregina gorriaren hilobia. (Elkar, 2010).
• Amaia Lapitz eta Didoren ermandade sekretua. (Elkar, 2013).
• Amaia Lapitz eta Festoseko diskoa (Elkar, 2021)

Los turistas desganados. (Pre-Textos, 2017). Atertu arte itxaron eleberriaren berak egindako itzulpena.

Zinema eta literatura ikertu ditu bereziki.

• Telezailak: nork esan zuen telebistak tontotu egiten duela? (Txalaparta, 2011). ISBN: 978-84-15313-01-4
• (Gaztelaniaz) Disfrutando/sufriendo Mad Men: historia de un estudio de audiencia transnacional^[7]

• (Gaztelaniaz) Lolita: mito y representación en el cine de Hollywood (EHU, 2010). Vladimir Nabokoven Lolita lanari zinemara egindako egokitzapenak aztertu zituen lan horretan.

• «Katixa Agirre: ipuinetan, beharbada, esperimentatu daiteke gehiago. Nobela batean, berriz, ez». Egileak: Yurre Ugarte eta Katixa Agirre.^[8]

• (Gaztelaniaz) «El nuevo Hollywood y la posmodernidad: entre la subversión y el neoconservadurismo».^[9] Oihenart: cuadernos de lengua y literatura, ISSN 1137-4454, Nº. 27, 2012, págs. 201-233.
• (Ingelesez) «Whenever a man takes you to lunch around here': Tracing post-feminist sensibility in Mad Men», Catalan journal of communication & cultural studies, ISSN 1757-1898, Vol. 4, Nº. 2, 2012, págs. 155-170
• (Gaztelaniaz) «Lolita airada: girl power y venganza en Hard Candy (David Slade, 2005)»^[10]
• (Gaztelaniaz) «Lolita de Vladimir Nabokov: Historia de una obsesión (fílmica)». Álabe: Revista de Investigación sobre Lectura y Escritura, ISSN-e 2171-9624, nº. 1, 2010, pág. 8.
• «Femme fatale edo fille fatale?».^[11]
• «Ongi etorri Hollywoodera, Lolita».^[12]

Onanismo onirikoa, Etiope bat Martitzen eta Gauez eta Azpikeriaz blogekin hasi ondoren, bere azken bloga Habitat berria izan zen

• Ernestina de Champourcín poesia saria (2003)^[13]
• Emakumeak Kontari ipuin-lehiaketa (2005)
• Igartza saria (2007), Habitat liburuagatik^[14]
• Gabriel Aresti Ipuin Lehiaketa (2015), Hesperia, California ipuinagatik^[15][16]
• 111 Akademia saria (2015), Atertu arte itxaron eleberriagatik^[17]
• Agustin Zubikarai beka (2016), Amek ez dute eleberri proiektuagatik^[18]

• Iraitz Urkulo Rodríguez: «Euskal narratiba XXI. mendean: emakumeak idazle», Oihenart: cuadernos de lengua y literatura (27): 201–233, 2012, ISSN 1137-4454.
• (Gaztelaniaz) Itxaro Borda: «La intimidad, esa bomba», 452 °F: Revista de Teoría de la Literatura y Literatura Comparada (9): 42–55, 2013, ISSN 2013-3294.

• Katixa Agirre "Literaturaren Zubitegia"n
• "Habitat berria" bloga
• Elkarrizketa Argian