Jörg Demus
Irudi gehiago
Bizitza
Jaiotza	Sankt Pölten, 1928ko abenduaren 2a
Herrialdea	Austria
Heriotza	Viena, 2019ko apirilaren 16a (90 urte)
Hobiratze lekua	Viena
Familia
Aita	Otto Demus
Familia	ikusi Klaus Demus (en) ()
Hezkuntza
Heziketa	University of Music and Performing Arts Vienna (en) (1940 - 1945)
Hizkuntzak	alemana
Jarduerak
Jarduerak	piano-jotzailea eta musikagilea
Jasotako sariak	ikusi Robert Schumann Prize of the City of Zwickau  (1986) Jakob Prandtauer Prize  (1970)
Genero artistikoa	musika klasikoa
Musika instrumentua	pianoa

Jörg Demus (Sankt Pölten, 1928ko abenduaren 2a - Viena, 2019ko apirilaren 16a) austriar piano-jotzailea izan zen.

Sei urterekin hasi zen piano eskolak jasotzen, eta hamaika urteko mutiko bat baino ez zela onartu zuten Vienako Musikaren Akademia entzutetsuan, pianoa eta orkestra zuzendaritza ikasteko. Debuta egiteko garaia ere goiz iritsi zitzaion, hamalau urterekin, artean ikaslea zela. Bigarren Mundu Gerra betea zen, eta Vienako Musikverein entzutetsuko Brahms aretoan errezitala eginda agertu zen gaztea lehen aldiz jendaurrean. Gerra amaituta, mundu osoan jo zuen —Europa, Australia, Hego Amerika, AEBak eta Japonian izan zen biran—, eta Paul Badura-Skodarekin eta Friedrich Guldarekin batera, gerra osteko pianista austriar nabarmenetako bat bilakatu zen. Vienan, laurogeita hamar urterekin, gaixotasun labur baten ondotik.^[1]

Vienako Musikaren Akademian hamazazpi urterekin graduatu ostean, ospe handiko maisuen gidaritzapean jarraitu zuen ikasten pianoa, organoa, zuzendaritza eta konposizioa. Vienan lehenik, eta Parisen ondoren. 1956an Busoni saria irabazi zuen, eta bakarlari ibilbide oparoa osatu zuen handik aurrerakoan ere.^[1]

Wikimedia Commonsen badira fitxategi gehiago, gai hau dutenak: Jörg Demus