Innsbruck Innsbruck
hiria
Irudi gehiago
Administrazioa
Herrialdea	Austria
Estatua	Tirol
Alkatea	Georg Willi
Izen ofiziala	Innsbruck
Jatorrizko izena	Innsbruck
Posta kodea	6020, 6010–6040 eta 6080
Geografia
Koordenatuak	47°16′06″N 11°23′36″E / 47.2683°N 11.3933°E / 47.2683; 11.3933
Azalera	414,65 km²
Altuera	574 m
Mugakideak	Absam, Aldrans, Ampass, Götzens, Lans, Mutters, Natters, Rum, Scharnitz, Schönberg im Stubaital, Thaur, Zirl, Völs, Patsch (en) , Seefeld in Tirol eta Innsbruck-Land District (en)
Demografia
Biztanleria	130.585 (2022) −1.376 (2020)
Dentsitatea	1.245 bizt/km²
Informazio gehigarria
Sorrera	1234
Telefono aurrizkia	0512
Ordu eremua	UTC+01:00 eta UTC+02:00
Hiri senidetuak	Krakovia, New Orleans, Grenoble, Friburgo, Sarajevo, Aalborg, Tbilisi, Ōmachi (en) eta Aalborg Municipality (en)
Matrikula	I
Hizkuntza ofiziala	aleman
http://www.innsbruck.at

Innsbruck Austriako mendebaldeko hiria da, eta Tirolgo hiriburua. Alpeen ekialdean dago, Inn ibaiaren haranean. 2010ean 119.249 biztanle zituen. Ezaguna da neguko kirolen egoitza garrantzitsua delako. Hain zuzen ere, 1964an eta 1976an Neguko Olinpiar Jokoak antolatu zituzten bertan.

Izena Inn eta Bruck-etik dator (Inn da bertako ibaia eta Brücke zubia da) eta "Inn gaineko zubia" esan nahi du.

122.458 biztanlerekin (2013ko urtarrilaren 1eko datuak), Innsbruck Tirol estatu federaleko hiririk handiena da, eta, Viena, Graz, Linz eta Salzburgoren atzetik, Austriako bosgarren hiririk handiena. Bere metropoli-eremuan 190.000 pertsona inguru bizi dira. Horrez gain, 30.000 ikasle eta beste hainbat pertsona ditu hiriak, eta egunero 3.000 gaualdi egiten dituzte hiria bisitatzen duten turistek.

Innsbruck salerosketagune aberatsa zen antzina, hori zela-eta kolonizatu zuten erromatarrek. 1239an jaso zuen hiri gutuna, eta 1363an Tirolek eta Austriak bat egin zutenean Habsburgotarren mendean gelditu zen. 1420an Tirolgo hiriburua izendatu zuten.

Napoleonek Bavariako Erresumaren eskuetan utzi zuen Tirol, baina Innsbruckeko biztanleak, Andreas Hofer buru zutela, Bavariaren kontra matxinatu ziren, eta 1814an Innsbruck Austriako lurralde bihurtu zen.

Innsbruck 574 metroko altueran dago, Inn haranean. Hiria, iparraldean, Karwendel mendilerroak mugatzen du (eta, zehazkiago, Nordkette mendilerroak, literalki iparraldeko mendilerroa dena), eta, hegoaldean, Patscherkofel mendiak, Tuxeko Alpeetako mendi nagusietako bat dena, eta Saile edo Nockspitze mendiak, Kalkkkögel-en muturrean (Stubai-ko Alpeak). Innsbrucketik kilometro gutxira, Melach ibaiaren eta Inn ibaiaren arteko elkarguneak, Unterperfuss eta Kematen in Tirol herrien artean, Inn goi-ibarraren (mendebaldean) eta Inn ibaiaren behe-ibarraren (ekialdean) arteko banaketa ofiziala markatzen du.

Innsbruck hiria ondoko udalerrien mugakidea da, denak Innsbruck Land barrutibarutikoak: Scharnitz eta Seefeld iparraldean; Absam, Thaur eta Rum ipar-ekialdean; Ampass eta Aldrans ekialdean; Lans eta Sistrans hego-ekialdean; Schönberg im Stubaital eta Patsch hegoaldean; Götzens, Natters eta Mutters hego.mendebaldean.

XX. mendean zehar, Innsbruckek hainbat herri gehitu ditu udalerrian: Pradl eta Wilten (1904); Hötting, Mühlau eta Amras (1938); Arzl (1940); eta Vill eta Igls.

Datu klimatikoak (Innsbruck)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	19.8	19.1	24.8	27.1	32.3	34.1	37.4	35.5	31.6	25.8	20.9	16.9	37.4
Batez besteko tenperatura maximoa (°C)	3.7	6.5	11.5	15.2	20.5	22.8	24.9	24.5	20.8	15.7	8.1	3.8	14.8
Batez besteko tenperatura (ºC)	-0.9	0.9	5.2	8.7	13.7	16.3	18.3	17.9	14.2	9.4	3.3	-0.3	8.9
Batez besteko tenperatura minimoa (°C)	-3.9	-2.6	1.0	4.1	8.5	11.4	13.3	13.2	9.9	5.5	0.4	-2.9	4.8
Erregistraturiko tenperatura minimoa (°C)	-21.1	-14.5	-15.0	-4.0	-2.4	3.5	4.4	4.7	-0.3	-5.9	-14.5	-17.2	-21.1
Pilatutako prezipitazioa (mm)	42.5	36.8	53.8	58.8	83.2	111.8	134.3	116.5	78.1	56.1	62.4	48.8	883.1
Prezipitazio egunak (≥ 1.0 mm)	7.6	6.9	8.7	9.4	10.7	13.6	13.7	12.5	9.1	7.6	8.7	8.5	117.0
Elur egunak (≥ 1.0 cm)	20.7	14.3	5.7	1.5	0.0	0.0	0.0	0.0	0.0	0.3	5.0	16.4	63.9
Eguzki orduak	94.7	121.1	154.2	168.2	193.0	186.8	215.5	214.4	180.0	159.0	102.2	82.8	1871.9
Iturria: Central Institute for Meteorology and Geodynamics[1]

Iparraldean Nordkette edo Hafelekar (2334 m) mendiak ditu eta hegoaldean Patscherkofel (2246 m) eta Serles (2718 m).

Turismoa da hango ekonomia-jarduera nagusia (neguko kirolak). Ehungintza, beiragintza eta tresneria ere garrantzitsuak dira.

Parte zaharrean eraikuntza aipagarri asko daude: erret jauregia, garaipen arkua, unibertsitatea, Maximiliano I.a enperadorearen hilobia, eta abar.

Innsbruckien mintzatzen den dialektoa, bavarierarekin lotuta dago, eta, bereziki, hegoaldeko bavarierarekin, Tirol, Karintia eta Estiriako mendebaldean mintzatzen dena. Innsbruckeko dialektoa, baina, alemanaren eragin handia du. Eskualde honetako ezaugarri tipiko bat k letraren ahoskera gogorra da.

• Frederiko III.a (1415-1493), Germaniako erromatar enperadorea.
• Constanze Manziarly (1920-1945), nutrizionista eta sukaldaria.
• Hermann Buhl (1924-1957), himalaista.

• Hiriko webgune ofiziala (Alemanez)
• «Teologia Innsbruck-en^{[Betiko hautsitako esteka]}» uztarria.eus. Patxi Altuna Innsbruck-en ikasi zuen bi urtez.