Gran Hermano (Espainia)
Jatorria
Sortzailea(k)	John de Mol
Izenburua	Gran Hermano
Jatorrizko hizkuntza	gaztelania
Jatorrizko herrialdea	Espainia
Sasoi kopurua	19
Ezaugarriak
Genero artistikoa	telerrealitatea
Kokapena
Lekua	Madril
Ekoizpena
Konpainia ekoizlea	Banijay Iberia (en) [[Kategoria:Banijay Iberia (en) ekoitzitako lanak]]
Aurkezlea	Mercedes Milà, Pepe Navarro eta Jorge Javier Vázquez
Emanaldia
Jatorrizko igorlea	Telecinco
Hasiera-data	2000ko apirilaren 23a
telecinco.es…

Gran Hermano (euskaraz Anaia Handia) telebista-saio bat da, Zeppelin TV ekoiztetxeak egina eta Telecinco katean 2000ko apirilaren 23tik aurrera emititzen dena. Espainian igorritako lehen telerrealitateko saioa da, eta programaren estreinaldiak %36,5eko kuota lortu zuen. Hortik aurrera, saioaren ia denboraldi guztiak audientzian liderrak izan dira. Inoiz edizio gehien izan dituen telerrealitate programa da.

Ohiko formatu honetan, aurrez aukeratutako pertsona multzo bat, aurrez elkar ezagutzen ez dutenak, etxe batean bildu eta horien bizimodua emititzen da zuzenean. Pertsona horiek lehiatu egiten dira elkarrekin hainbat froga eta bozketaren bitartez, eta horien astero lehiakide bat kaleratzen da, ikusleen aldetik boto gehien jasotzen duena. Irabazlea etxean geratzen den azken pertsona da. John de Mol holandarrak sortu zuen saioa, eta Endemol bere ekoiztetxeak garatu zuen programa. 1999ko irailean emititu zen saioa lehen aldiz Holandan eta geroztik 70tik gora herrialdeetan plazaratu da.

Telebista-saioko ia edizio guztiak, hamaseigarren ediziora arte, Mercedes Milá aurkezleak gidatu zituen; Gran Hermano 3 kenduta, edizio hura Pepe Navarrok aurkeztu baitzuen. 2016an jakinarazi zen Mercedes Milák saioa utziko zuela betiko, eta, horrenbestez, Jorge Javier Vázquez aurkezleak zuzendu zuen Gran Hermano 17 edizioko galak.

Lehenengo hiru edizioetan ez zen debaterik egon. Laugarren denboralditik aurrera hasi ziren saio hau, eta lehenengo biak Jesús Vázquez aurkezleak gidatu zituen. Hortik aurrera, Jordi Gonzálezek jarraitu zuen mahai-ingurua moderatzen, hamargarren edizioan (Jorge Javier Vázquezek aurkeztu zuena) eta hamalaugarrenean (Frank Blancok ordezkatu zuen) kenduta.

     Aurkezleak saioa gidatu zuen.

     Aurkezleak ez zuen saioa gidatu.

     Saioa ez zen existitzen.

		Bizitokia	Adina	Lanbidea	Iraupena	Edizioa
	Ismael Beiro	Cádiz	25 urte	Itsasketa Zientziak eta Tekniketako ikaslea	90 egun	1
	Sabrina Mahí	Málaga	23 urte	Sustatzailea	101 egun	2
	Javito García	Coruña	28 urte	Enpresaria	101 egun	3
	Pedro Oliva	Zaragoza	33 urte	Funtzionarioa	102 egun	4
	Nuria Yáñez	Tarragona	31 urte	Campingeko harreragilea	112 egun	5
	Juanjo Mateo	Alacant	25 urte	Taxilaria	109 egun	6
	Pepe Herrero	Madril	33 urte	Hegaldietako laguntzailea	108 egun	7
	Naiala Melo	Tenerife	22 urte	Saltzailea	105 egun	8
	Judit Iglesias	Coruña	31 urte	Soziologoa	98 egun	9
	Iván Madrazo	Kantabria	35 urte	Enpresaria eta modeloa	123 egun	10
	Ángel Muñoz	Madril	32 urte	Pilateseko irakaslea	143 egun	11
	Laura Campos	Madril	27 urte	Industria-operadore	144 egun	12
	Pepe Flores	Madril	33 urte	Dantzaria	130 egun	12+1 (13)
	Susana Molina	Murtzia	23 urte	Enpresen Administrazio eta Zuzendaritzako ikaslea eta boluntarioa	127 egun	14
	Paula González	Bartzelona	20 urte	Saltzailea	91 egun	15
	Sofía Suescun	Nafarroa	19 urte	Psikologiako ikaslea	101 egun	16
	Beatriz Retamal	Valentzia	20 urte	Ile-apaintzailea	105 egun	17
	Hugo Sierra	Palma Mallorcakoa	43 urte	Entrenatzaile pertsonala eta pilates irakaslea	88 egun	18

Argi Gastaka Gran Hermano 14 telerrealitateko saiotik kanporatzea 2013ko maiatzean espainiar gizartean eztabaida bizia eragin zuen gertaera izan zen. Saioko arduradunek programan parte hartzen ari zen Argi Gastaka Ganboa lehiakideak, bilbotarra eta 20 urtekoa, "ETAk aurrera jarraitzeko" manifestazio batera joana zela adierazteagatik kanporatu zuten, gazteak berehala txantxa bat zela adierazi eta barkamena eskatuta ere. Kanporatzeak eztabaida bizia eragin zuen, Interneten bereziki, eta gaia mundu mailako trending topic bilakatu zen kanporatzearen ondorengo orduetan.

• Webgune ofiziala