Delaware
Ameriketako Estatu Batuak
Ereserkia
Our Delaware (en)
Administrazioa
Estatu burujabe	Ameriketako Estatu Batuak
ISO 3166-2	US-DE
Hiriburua	Dover
Delawareko Gobernadorea	John Carney
Zatiketa	ikusi Kent konderria, New Castle konderria eta Sussex konderria
Geografia
Koordenatuak	39°00′N 75°30′W / 39°N 75.5°W / 39; -75.5
Azalera	6.452 km²
Mugakideak	New Jersey, Pennsylvania eta Maryland
Punturik altuena	Ebright Azimuth (en)
Demografia
Biztanleria	989.948 (2020ko apirilaren 1a) 44.014 (2015)
Dentsitatea	153,43 bizt/km²
Etxebizitzak	370.953
Hizkuntza ofiziala	baliorik ez
Ordu eremua	Ekialdeko Ordu-eremu eta America/New_York (en)
delaware.gov

Delaware (ingelesez: Delaware) Ameriketako Estatu Batuetako 50 estatuetako bat da. Herrialdearen ipar-ekialdean dago, Ozeano Atlantikoaren itsasertzean. 6.446 kilometro koadroko eremua hartzen du, eta 2016an 952.065 biztanle zituen.^[1] Hiriburua Dover da, eta Wilmington hiririk jendetsuena.

Hegoalde eta mendebaldean Marylandekin du muga, iparraldean Pennsylvaniarekin, eta ekialdean New Jersey eta Ozeano Atlantikoarekin. Iparraldea mendi txikiz betea dago, hegoaldea, aldiz, erabat laua da. Klima epela eta hezea du.

XVI. mendean europarrak etorri baino lehen, lenape amerindiar tribua bizi zen iparraldean, eta naticoke tribua hegoaldean. 1631. urtearen inguruan, herbeheretar eta suediar merkatariek kolonizatu zuten lurraldea. Ingelesen mende geratu zen 1664an. Ameriketako Estatu Batuen Independentzia Gerran parte hartu zuten hamahiru kolonietako bat izan zen. 1787ko abenduaren 7an, Ameriketako Estatu Batuetako Konstituzioa berretsi zuen lehen estatua izan zen. Harrezkero, Lehen Estatua (ingelesez: the First State) goitizena ematen zaio.

Nekazaritza eta abere hazkuntza dira ekonomia jarduera garrantzitsuenak. Industria Wilmington hirian biltzen da: kimika, automobilak eta petrolio findegiak.

• 
  Middle Run Valley
• 
  Dover
• 
  Newark

• Delawareko konderrien zerrenda
• Delaware ibaia