PROFILPELAJAR.COM

Crudités

Apioa eta baby azenario gordinak, cruditésaren adibide

Cruditésa (frantsesez, [kʁydite]; soilik pluralean) Frantziako janaurreko tipikoa da, barazki gordinez osaturikoa,[1] normalean saltsa ezberdinekin edota ozpin-olioarekin aurkezten dena. Erabili ohi diren barazkien artean, besteak beste, apio-makiltxoak, azenario-makiltxoak, luzoker-makiltxoak, pipermorro-zerrendak, brokolia, azalorea, mihilua eta zainzuri-zerrendak aurkitzen dira.

Etimologia

Crudités hitz frantses bat da, lit. "gauza gordinak", XIV. mendeko crudité hitzetik datorrena (Frantses Ertaina) eta, hau, zuzenean, latineko cruditatem terminotik datorrena (cruditas modura nominalizatua), crudus hitzetik: "gogorra; ez-kosinatua, gordina, odoltsua". Hau proto-Indoeuropear *krue-do- -tik dator, *kreue- -tik ("haragi gordina"), ingeleseko raw ("gordin") hitzaren jatorri dena.[2][3] Merriam-Webster hiztegiaren arabera crudités terminoa 1960 aldera erabili zen lehen aldiz, frantseseko crudité terminoaren pluralizazioz ("gordintasuna").[4]

Itzulpena

Gaur egun, ez dago crudités terminorako itzulpen proposaturik Euskaltzaindiaren aldetik, Elhuyar Hiztegiak barazki(ak) eta ortuari(ak) itzulpenak proposatzen dituen arren.[5] Bestelako hizkuntzetan, aldiz, erabaki ezberdinak hartu dira; hala, Katalan Herrietan cruatge terminoa proposatu da,[6] Fundéu fundazioak crudités terminoa kurtsibaz idaztea proposatzen duen bezala.[7] RAEk, ordea, Elhuyar Hiztegiaren bide berdinean, verdura terminoa erabiltzea defendatzen du.[8]

Arriskuak

Janari gordin ororekin gertatzen den bezala, janari hau jateak toxoplasmosi-arriskua dauka,[9] Toxoplasma gondii protozoo parasitikoak sortutako gaixotasuna, bereziki haurdun dauden banakoetan.[10]

Erreferentziak

  1. ↑ «What Are The Crudités?» archive.is 2013-01-23 (kontsulta data: 2020-07-26).
  2. ↑ (Ingelesez) «crudites | Origin and meaning of crudites by Online Etymology Dictionary» www.etymonline.com (kontsulta data: 2020-07-26).
  3. ↑ (Ingelesez) «crudity | Origin and meaning of crudity by Online Etymology Dictionary» www.etymonline.com (kontsulta data: 2020-07-26).
  4. ↑ (Ingelesez) «Definition of CRUDITÉS» www.merriam-webster.com (kontsulta data: 2020-07-26).
  5. ↑ «crudité - Elhuyar hiztegiak» hiztegiak.elhuyar.eus (kontsulta data: 2020-07-26).
  6. ↑ «Les paraules valencianes d'Eugeni Reig | Diari per a Tècnics Lingüístics» www.cdlpv.org (kontsulta data: 2020-07-26).
  7. ↑ (Gaztelaniaz) «https://twitter.com/fundeu/status/521306105797156864» Twitter (kontsulta data: 2020-07-26).
  8. ↑ (Gaztelaniaz) ASALE, RAE-; RAE. «verdura | Diccionario de la lengua española» «Diccionario de la lengua española» - Edición del Tricentenario (kontsulta data: 2020-07-26).
  9. ↑ (Frantsesez) «Les 10 aliments à éviter pendant la grossesse» grossesse.aujourdhui.com (kontsulta data: 2020-07-26).
  10. ↑ (Gaztelaniaz) «Alimentos a evitar durante el embarazo» Sanitas (kontsulta data: 2020-07-26).

Kanpo estekak

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.