Bikingoen espedizioak zenbait aldiz ailegatu ziren Iberiar penintsularaino.^[1] Iturriak partzialak eta zaharkituak daudenez, zalantzan dago espedizioen kopurua eta egonkorrak zirenetz.

Lehendabizikoa 844. urtean izan zen, noiz arabiar historialarien esanetan, kostaldetan bikingoen itsasontziak «itsas hegazti gorri-beltzaxka» moduan inurritzen ziren.^[2] XII. mendeko Annales Castellani Recientores kronikan,^[3] urte hartan Gijónen 54 drakkar lurreratu zirela eta gero Arousako itsasadarretik igo zirela esaten dute.^[4] Ramiro I.a Asturiaskoak eskandinaviarrak Coruñan menderatu zituen. Hortik bikingoek omeiatarren eskuetan zeuden Lisboa, Cádiz eta Sevilla eraso zituzten.

858an, bikingoek Algeciras, Orihuela eta Balearrak eraso zituzten.^[5] Negua Proventzan, Camargue eskualdean, igaro ondoren Arles eta Nîmes arpilatu zuten. 859. urtean, itzultzean Ebrotik igo eta Iruñea eraso zuten. Bertan Gartzia Enekoitz erregea bahitu zuten (859)^[6]. 70.000 urrezko dinareko bahisari ordainduta aske geratu zen.^[7][8]

XII. mendeko Historia compostelana izeneko kronikan 968an normandiarrek Galizia eraso zutela esaten dute:

Urte hartako Fornelosko guduan Sisnando Menéndez Santiagoko apezpikua hil zen eta inbaditzaileek eskualdea arpilatu zuten.^[10] Dudon Saint-Quentingoa kronikariaren esanetan, hamazortzi herrixka suntsitu zituzten^[9] eta urtebete eman zuten Galizian. Gonzalo Sánchez kondeak bikingoak menderatu eta Gunrød norvegiarra hil zuen.^[11] Gunrødek ehun drakkar eta zortzi mila gudari zituen^[12] Jakobsland (Jakueren lurraldea) arpilatzeko.^[12]

Iturriak zalantzazkoak badira ere, bikingoek bitan^[13] edo lautan^[14] eraso zuten Iberiar penintsula. 843an, mendebaldeko Europako kostalde osoa- tartean Britainiar uharteak- arpilatu ondoren, Baionan ezarri zuten bere neguko kanpalekua.^[15] Claudio Sánchez Albornozek, berriz, Ali ibn al-Athir kurduaren Al-Kāmil fī al-tārīkh edo Historia osoa aipatuz^[15], negua Getarian edo Mundakan eman zutela esan zuen. Baina, al-magus deituak bikingoak baino paganoak esan nahi du.^[15]

X. mendearen amaieran, bikingoek bigarren espedizio bat egin zuten, berriro Lisboa, (966), Santiago de Compostela (968), eta Al-Andalusko kostaldea (971) erasoz.

Beste adituek hiru fasetan banatzen dute bikingoen egotea Iberiar penintsulan:^[16] lehendabizikoz, berriak eta esklaboak lortzeko «zeharkako erasoa»; bigarrenez, IX. mendeko (musulmanen eskualdeetan), X. eta XI. mendeetako (kristauen eskualdeetan) inbasioak; eta hirugarrenez kokalekuak.^[16]

Edonola ere, Sánchez Pardoren esanetan, bibliografia aztertuta, iturriak eta ikerketak zaharkituak egoteaz gain, nahiko partzialak dira, misterio eta naturaz gaindikoari aipamenak eginez.^[17]

Bikingoek 844, 889, 966 eta 971. urteetan eraso zuten Al-Andalus.^[16] Orduko iturri nagusiak Ibn al-Qutiyya eta Ibn Idari arabiar kronikalariak ziren.^[18][19] Kronikalariek bikingoei majus (paganoak), almajuzes, almozudes edo almonides (majusetik eratorritako hitzak)^[20]) deitzen zieten edo, zehatzagoa, al-Urdumâniyyun (edo Nordumâni, latinezko Normanni, Nordmanni, Lordomanni, Lormanes edo Leodomanni hitzetatik eratorria^[11]).

Algeciras

858-862: Bikingoak Loiratik 62 itsasontzietan atera ziren, Ragnar Lodbroken semea zen Björn Järnsida eta Hastein buruzagiak izanda. Jazirat al-Khadra (Algeciras) hiru egunez setiatu zuten eta meskitak eta medina erre zituzten. Algecirastarrek erasoari eutsi eta bi drakkar hartu zituzten. Handik Gibraltarko itsasartea ogaro eta Nekor (Rif) eta Balearrak eraso zituzten.^[13] Itzultzean, Muhammad I.a Kordobakoaren itsas-armadak eskandinaviarrak menderatu zituen eta 20 itsasontzirekin^[21] itzuli ziren 862an.^[4][13]

Cádiz

• 844: Lisboa hiru egunez setiatu ondoren, Cádizerantz jo eta Qabpil (Isla Menor) hartu zuten. Bertatik Medina Sidoniara joan ziren,^[22] Guadalquivirretik Sevillarantz.^[16]

Lisboa

• 844: 80 eta 100 drakkarreko armadak Coruña utzi eta irailaren 17an^[15] edo abuztuaren 20an^[16][20] Lisboara heldu zen.

• 966: Ekainaren 23an 28 itsasontzi Qasr Abi Danis-era (egungo Alcácer do Sal), heldu ziren. Itsas-guduan hainbat hildako izan ziren eta bikingoek preso asko hartu zituzten. Sevillatik atera zen itsas-armada musulmanak Algarven harrapatu eta presoak berreskuratu zituen.^[20]

• 971: Ekainean, hainbat drakkar kostaldetik gertu zeuden baina Al-Hakam II.a kalifaren itsas-armadak mendean hartu zituzten eta ezin zuten lurreratu. Fidagarria ez den iturri baten arabera, hurrengo urtean bikingoen itsas-armada lurreratu zen baino Tajoren bokalean menderatu zuten.^[20]

Sevilla

• 844: Bikingoek, Cádiz eraso ondoren, Guadalquivirretik igo eta irailaren 29an Isla Menorrera heldu ziren. Hilaren 30ean Coria del Ríoko biztanleak sarraskitu eta hiru egun geroago Isbiliya, islamiar Sevilla, hartu zuten.^[16][23] Hurrengo sei asteetan zehar gertuko hiriak- Kordoba, Morón edota Constantina- eraso zituzten.^[22] Azaroaren 11n, Tabladako guduan, Abd ar-Rahman II.a emirrak Sevilla astebetez setiatu zuten bikingoak menderatu zituen.^[24] Guduan mila bikingo erori ziren eta Abd ar-Rahmanek laurehun preso exekutatu zituen.^[20]

• 859: Aurreko eraso ostean eraikitako gotorlekuak ez ziren nahikoak bikingoen sarrera eragozteko. Hauek hiria arpilatu eta Ibn Adabbas meskita (egungo San Salbador eliza) eraitsi zuten.

Levante

• 858: Algeciras arpilatu ondoren, Murtziako kostaldera joan ziren eta Orihuela hartu zuten.^[14]

• 1031: Erresuma edo printzerri txikiak ezarri zuten Valentzian, Almerían, [[Denian eta Balearretan.^[16]

Gijón

• 844: Abuztuaren batean 1 de agosto (iturri batzuen arabera, uztailaren 31n^[24]), bikingoen ontziteria Gijóndik ikusi zuten. Ura lortzeko baino ez zuten lehorreratu.^[15]

Coruña

• 844: Bikingoak Farum Brigantium, egungo Herkulesen Dorrea ikustean, lehorretatu ziren^[15]

Lugo

• 844: Coruñan lehorreratu ondoren, bikingoek Chantada eskualdea eraso zuten.^[15]

Santiago de Compostela

• 858: Arousako itsasadarretik ehun itsasontzi igo ziren hiria erasotzeko asmotan. Arpilaketa saihesteko zergak ordaindu arren, bikingoek hiria setiatu zuten. Ordoño I.a Asturietakoak armada prestatu eta, Pedro Theon buruan izanda,^[16] bikingoak menderatu zituzten. Hirurogeita bi drakkarrek ihes egiten dute eta Portugal aldera joan ziren.^[14]

• 899: Alfontso III.a Handiak Cíes uharteetako konbentu biak (Erdialdeko uharteko San Esteban eta Hegoaldeko uharteko San Martin) Santiago de Compostelako katedralari eman zizkion eta Ulv Galiciefarerrek suntsitu zituen.^[25] Gainera, Cortegadako uharteditik Ulla ibaia igo zuen Santiago erasotzeko.^[26]

• 968: Gundræd buruzagiak zuzendutako ehun itsasontzik itsasaderratik gora igo ziren hiria erasotzeko asmotan. Sisnando Iria Flaviako apezpikuak, 966an hiri gogortzeko Antso I.aren baimena zuena, Fornelosen aurre egin zien eta guduan hil zen.^[14][27]

• 970: Bikingoek berriro Galizia eraso zuten eta, denbora labur batez, Santiago de Compostela okupatu zuten.^[20] Bikingoak bertan geratu ziren eta 971n, Rudesindo Mondoñedoko apezpikuak eta Gonzalo Sánchez kondeak gudu batean bikingoak menderatu zituzten, noiz Gundræd bera hil zen.^[14] Apezpikua ere guduan hil zuten.^[28]

• 859: Aurreko urteko negua Camargan pasa ondoren, Björn Järnsida eta Hastein buruzagiek zuzenduriko osteek Iruñea arpilatu zuten.^[6] Haraino heltzeko Ebro, Aragoi eta Arga ibaietatik igo ziren. Hirian Gartzia Enekoitz erregea preso hartu zuten.^[7] Bahisaria 70.000^[4][16] eta 90.000^[14] urrezko dinarren artekoa izan zen.