Baltasar Garzón
(2023) Irudi gehiago
Espainiako Diputatuen Kongresuko diputatua 1993ko ekainaren 18a - 1994ko maiatzaren 9a - Rafael María García-Rico Fernández → Barrutia: Madril Hautetsia: 1993 Spanish general elections (en)
Bizitza
Jaiotza	Torres, 1955eko urriaren 26a (69 urte)
Herrialdea	Espainia
Familia
Ezkontidea(k)	Dolores Delgado  (2023ko abendua -
Seme-alabak	ikusi María Garzón Molina (en)
Hezkuntza
Heziketa	Sevillako Unibertsitatea
Hizkuntzak	gaztelania
Jarduerak
Jarduerak	epailea, idazlea, politikaria, unibertsitateko irakaslea eta abokatua
Lantokia(k)	Madril
Enplegatzailea(k)	Julian Assange  (2012 -
Jasotako sariak	ikusi Hermann Kesten Prize Andaluziako domina  (2008) Gold Medal of the Order of Merit of the National Plan on Drugs  (2001)
Kidetza	Espainiako Auzitegi Nazionala

Baltasar Garzón Real (Torres, Jaén (Espainia), 1955eko urriaren 26a - ) epaile andaluziarra da. 1987 eta 2010 urteen artean Espainiako Auzitegi Nazionaleko epaile izan zen. Gaur egun, Nazioarteko Zigor Gorteko aholkularia da Hagan.

Baltasar Garzónek ondorengo auzietan izan zen epaile:

• Narkotrafikoaren aurkako operazioak
• GALen epaiketa
• ETA eta ezker abertzalearen mugimendua. Bera izan zen Dena da ETAren lehenengo epaile eta horren sustatzailea. Udalbiltza aferan ere parte aktiboa izan zen.
• Augusto Pinochet, Txile eta Argentinako diktadurak
• Bushen seiak (The Bush Six) George W. Bush lehendakaria zenean, bere menpeko langile eta torturatzaileak izan omen zirenen aurkako auzia.
• Faisán auzia
• Frankismoko hilketak
• Gürtel auzia
• Etab.

1996ko Espainiar Hauteskunde Orokorrak izan ziren. Lehenengo aldiz 1982tik Felipe González ez zuen gehiengoa lortu. Alderdi Popularrak garaipena lortu zuen, gehiengo absolutura iritsi gabe. Dena da ETA ideiaren hasiera izan zen. 1998ko uztailean, Garzónek aginduta, Egin egunkaria itxi zuten, ETAren egunkaria zela argudiatuz. Artean erabiltzen ez zen esaldia baina geroago ezagun bihurtu zen Dena da ETAren lehen mugarria izan zen ekintza hura.

1992ko ekainaren 29an, Kataluniako independentismoaren aurkako Polizia operazioa abiatu zuen Baltasar Garzón epaileak. Lehen egunean zazpi pertsona atxilotu zituzten, baina hurrengo asteetan, orotara 45. Bartzelonan egitekoak ziren Joko Olinpikoen karietara egin zuten operazioa. Hamazazpi pertsonak salatu zuten torturatu egin zituztela, baina Espainiako epaitegiek ez zuten ikertu. Handik hamabi urtera, 2004an Europako Giza Eskubideen Epaitegiak Espainiako Estatua zigortu zuen, tortura salaketak ez ikertzeagatik.^[1]

1998ko urriaren 10ean, Garzónek Pinotxet atxilotzeko agindua eman zuen, Txilen gertatutako hainbat espainiarren heriotzagatik epaitu nahi zuela-eta. Erresuma Batura bidali zuen ordena, han baitzen diktadorea, hernia diskal baten ebakuntza egiteko xedean. Atxiloketa urriaren 16ko gauerdian egin zuten Scotland Yardeko agenteek, eta London Clinic klinika pribatuan sartu ziren, Pinochet han baitzegoen barneratuta. Azkenean, eta adina kontuan izanda, Pinochet liberatu zuten 1999ko martxoaren 2an eta, egun berean, Txilera itzuli zen. Gurpil aulkian egon zen Londresko gorabehereak izan zirenean, baina etxera itzuli zen bezain pronto, zutik jarri zen eta bere jarraitzaileak agurtu zituen.^[2][3]

• Judge Garzón: Introduction to a Life (Ingelesez)