PROFILPELAJAR.COM

Nosferatu: Phantom der Nacht
filmo
Originala titolo	Nosferatu – Phantom der Nacht
Originala lingvo	germana lingvo • angla lingvo • rumana lingvo
Kina aperdato	1979, 12 apr. 1979
Ĝenro	vampirfilmo, filmo bazita sur romano, drama filmo
Kameraado	Jörg Schmidt-Reitwein
Reĝisoro(j)	Werner Herzog
Produktisto(j)	Daniel Toscan du Plantier
Scenaro	Werner Herzog
Filmita en	Pernštejn
Loko de rakonto	Transilvanio • Wismar
Muziko de	Popol Vuh
Rolantoj	Klaus Kinski • Isabelle Adjani • Bruno Ganz • Roland Topor • Jacques Dufilho • Walter Ladengast • Rijk de Gooyer • Clemens Scheitz • Dan van Husen • Jan Groth • John Leddy • Lo van Hensbergen • Werner Herzog • Tim Beekman • Norbert Losch • Johan te Slaa • Attila Árpa • Walter Saxer
Produktinta firmao	Werner Herzog Filmproduktion ; ZDF
IMDb
	v • d • r

Nosferatu: Phantom der Nacht, laŭvorte 'Nosferatu: Fantomo de la Nokto') estas horora filmo de 1979 verkita kaj reĝisorita de Werner Herzog. La agado okazas en la 19-a jarcento ĉefe en Wismar, Germanio, kaj Transilvanio, kaj estis planita kiel stileca refilmaĵo de la germana filmo de F. W. Murnau de 1922 kiel drakula adaptaĵo nome Nosferatu. En la filmo stelulas Klaus Kinski kie la Grafo Drakulo, Isabelle Adjani kiel Lucy Harker, Bruno Ganz kiel Jonathan Harker, kaj la franca artist-verkisto Roland Topor kiel Renfield. Estas du diferencaj versioj de la filmo, unu en kiu la aktoroj parolas angle, kaj alia en kiu ili parolas germane.^[1]

Tiu ĉi verko de Herzog nome Nosferatu estis tre bone ricevita de kritikistoj kaj ĝuis sufiĉan gradon de komerca sukceso.^[2] La filmo estis la dua el kvin kunlaboraĵoj inter la reĝisoro Herzog kaj la aktoro Kinski,^[3] tuj sekvita per la filmo ankaŭ de 1979 nome Woyzeck. Nosferatu estis vidita de unu miliono da spektantoj en Okcidenta Germanio kaj enspezis 53 870 000 da liroj en Italio.^[4] Ĝi estis ne tiom granda sukceso en la hejmlando de Adjani, per 933 533 spektantoj en Francio.^[5]

Noveligon de la scenaron verkis Paul Monette kaj oni publikigis ^[6] en 1979. Itala hororfilmo de 1988 Nosferatu a Venezia estas "refilmaĵo nur laŭome",^[7] denove kun Kinski en la titola rolo.^[8]

Intrigo

Averto: La teksto, kiu sekvas, malkaŝas detalojn pri la intrigo de la rakonto.

En Wismar, en la 19-a jarcento, Jonathan Harker (Bruno Ganz) veturas al Karpatoj cele al negocado de la vendo de domo kun la grafo Drakulo. En gastejo lokanoj avertas lin kaj klopodas konvinki lin ne viziti la grafon ĉar li estas konata kiel vampiro. Harker tamen vizitas lin, fakte perpiede ĉar neniu transportisto volis akompani lin, kaj li falas sub la dominado de la grafo, ne konstatante, ke vere temas pri la vampiro Drakulo. Tiu translokiĝas perŝipe al Wismar, kun ratoj inter ĉerkoj, por transmiti la la peston. Krome li celas la fianĉinon de Harker, kiun li konis per portreto de la fianĉo.

Averto: Malkaŝado de la intrigo de la rakonto ĉi tie finiĝas.