La Nacia (Metsovian) Teknika Universitato de Ateno (akronime NTUA, grekeΕθνικό Μετσόβιο Πολυτεχνείο) estas unu el la plej prestiĝaj kaj plej malnovaj institucioj de alteduko en Grekio[1]. Ĝi ankaŭ estas konata kiel la "Athens Polytechnic" (Atena Politeknikejo) [2].
La universitato estis fondita en 1836 en la Exarchia najbareco de Ateno, kiel duonprofesia instruejo nomita la "Reĝa lernejo de la Artoj", kiu iĝis la nura institucio disponiganta gradojn en inĝenieristiko ĝis la mez -1950-aj jaroj, kiam teknikaj instruejoj komenciĝis fondiĝi ekstere al Ateno. La ĉefkampuso de la universitato situas en la centro de Ateno, sur Bulevardo Patission, kie en la 80-aj jaroj de la 20-a jarcento estis fondita antaŭurba kampuso nomita "Kampuso Zografo" [5].
Organizo
La universitato estas dividita en naŭ akademiajn fakultatojn, kiuj estas dividitaj en 33 sekciojn.
La universitato ĉiam havis aktivan kaj viglan politikan agadon, kaj ĝi havas fortan forton de studentaj movadoj kaj grupoj batalantaj por paco kaj demokratio en Grekio. La plej klara ekzemplo de tio estas la ribelo ĉe la Atena Politeknikejo, kiu okazis la 17-an de novembro1973, kaj estis la unua paŝo al la renverso de la milita diktatora reĝimo de Grekio.
En la tri tagoj antaŭ la ribelo, studentoj barikadis sin ene de la universitato, kaj komencis dissendi piratajn radioelsendojn, vokante sur la homoj de Grekio ribeli kontraŭ la registaro. Vespere de la 17-a de novembro, armea tanko eksplodis en la universitaton kaj komencis pafi en ĝi, laŭ ordono de la diktatora registaro. Proksimume 28 studentoj estis mortigitaj en la okazaĵo, kaj la ribelo finiĝis, sed la armea ĥunto estis tre trafita per la okazaĵoj. La ĥunto falis en 1974, post la turka invado de Kipro, kaj ekde tiam la 17-a de novembro estas festata kiel tago de libereco kaj demokratio en Grekio. Ĉiuj lernejoj kaj universitatoj fermiĝas en tiu tago.
