Luis ECHEVERRÍA Álvarez [lwis etʃeβeˈri.a ˈalβaɾes] (la 17-an de januaro 1922, la 8-an de julio 2022) estis meksika politikisto ligita al la Revolucia Institucia Partio (PRI) kiu funkciis kiel la 50-a Prezidento de Meksiko de 1970 ĝis 1976. Ĝis sia morto en 2022, li estis la plej maljuna iama ŝtatestro en la historio de la lando, same kiel la nura centjarulo.
Lia prezidanteco karakterizis liajn aŭtoritatajn manierojn, la masakron de Corpus Christi kontraŭ studentaj protestantoj, la Malpuran Militon kontraŭ maldekstremaj malkonsentantoj en la lando (adoptante maldekstreman populisman retorikon), kaj la ekonomian krizon okazinta en Meksikio fine de lia oficperiodo.
En la internacia scenejo, li provis fariĝi gvidanto de la tielnomita "Tria Mondo", la landoj ne vicigitaj kun Usono aŭ Sovetunio dum la Malvarma Milito; li establis diplomatiajn rilatojn kun la Ĉina Popola Respubliko post vizito al la lando kaj renkontiĝo kun Mao Zedong, streĉiĝis rilatojn kun Israelo (kaj judoj de Usono) post subtenado de UN-a rezolucio kiu egaligis cionismon al rasismo, kaj malsukcese provis fariĝi Ĝenerala Sekretario de Unuiĝintaj Nacioj.
En 2006, li estis akuzita kaj ordonita sub hejma aresto pro sia rolo en la Tlatelolko-masakro (1968) kaj la masakro de Corpus Christi en 1971, sed en 2009 la akuzoj kontraŭ li estis malakceptitaj.
