Heiner Lauterbach
Heiner Lauterbach
Persona informo
Heiner Lauterbach
Naskiĝo	la  10-an de aprilo 1953 (nun 1953-04-10) en Kolonjo, okcidenta Germanio
Lingvoj	germana vd
Ŝtataneco	Germanio vd
Subskribo
Familio
Edz(in)o	Viktoria Lauterbach (en) (2001–) vd
Infanoj	Oscar Lauterbach (en) , Maya Lauterbach, Vito Lauterbach (en) vd
Profesio
Okupo	aktoro komponisto filmreĝisoro teatra aktoro televida aktoro filmproduktoro dublaktoro filmaktoro aŭtobiografo voĉaktoro vd
Aktiva dum	1970 ĝis nun
Honorigoj Honorigoj (2018)  Askania Award (en) (2005)  Osgar (en) (2004)  Golden Feather (en) (1998)  Bavarian TV Awards (en) , kialo de la premio Opernball (en) , Der Skorpion (en) vd
Membrecoj Membrecoj Deutsche Filmakademie (en) vd
vd	Fonto: Vikidatumoj
v • d • r

Heiner Lauterbach (prononco [HAJna LAŬtabaĥ], naskiĝis la  10-an de aprilo 1953 (nun 1953-04-10), do nun 71-jara) estas germana aktoro kaj dublisto.

Heiner Lauterbach naskiĝis kiel filo de prospera komercisto. Post reallerneja finekzameno li ekde la jaro 1970 vizitis aktoran lernejon kaj prenis privatajn aktorajn lecionojn ĉe la aktorino Marianne Jentgens, fondintino de la kolonja teatro Der Keller. Li sursceniĝis en Kolonjo, Würzburg kaj Munkeno, kaj kun munkena aktora teamo ankaŭ turneis tra Germanio.

Meze de la 1970-aj jaroj li komencis sian kinfilman karieron per tri erotikaj filmoj, kaj sekve ankaŭ aktoris en internaciaj produktaĵoj, interalie en 1985 en la filmo Cortuga.

Samjare li konatiĝis al vere vasta publiko en la filma komedio Männer de la reĝisorino Doris Dörrie - pro tiu rolo li honoriĝis per la germana kina premio. Sekvis pluraj pliaj sukcesaj filmoj, aparte prikrimaj. Ekde la fino de la 1990-aj jaroj li aktoras precipe en televidaj filmoj, sed ankaŭ en iuj kinejaj produktaĵoj interalie porinfanoj, ekzemple la porinfana filmo V8 – Du willst der Beste sein de 2013, en kiu rolas ankaŭ lia filino Maya Lauterbach.

Inter la jaro 1985 kaj 2001 Heiner Lauterbach estis edziĝinta al la aktorino Katja Flint. La paro havas filon, Oscar, naskiĝintan en 1988, sed jam disiĝis en 1991, kvankam la edzeco formale ankoraŭ daŭris. Inter 1996 kaj 2000 li kaj la aktorino Jenny Elvers-Elbertzhagen estis fakta paro. Ekde la 7-a de septembro 2001 li estas edzo de Viktoria Skaf. La paro havas du infanojn, la 22-jaran filinon Maya kaj la 17-jaran knabon Vito. Kun sia familio Heiner Lauterbach vivas borde de la lago de Starnberg en Bavario.

• 1986: germana filmpremio (Deutscher Filmpreis)
• 1997: premio Bambi
• 1997:bavara filmpremio (Bayerischer Filmpreis)
• 1998: aktora premio de la institucio Deutsche Akademie der Darstellenden Künste en la festivalo de televidaj filmoj en bei den Baden-Baden
• 1998: bavara televida premio (Bayerischer Fernsehpreis)
• 2004: premio Goldene Feder ("ora plumo") en la kategorio "teatro"
• 2011: Hesia filma kaj kina premio, honora premio de la ministroprezidanto de Hesio

Kiel dublisto li ekzemple estis germanlingva voĉo de Kevin Costner (The Untouchables, la netuŝeblaj), Richard Gere (Yanks), Massimo Girotti (Ossessione), Harvey Keitel (Flucht nach Varennes, fuĝo al Varennes), John Malkovich (Death of a Salesman, germane Tod eines Handlungsreisenden), Gérard Depardieu (Barocco) und Christopher Walken (James Bond 007 – Im Angesicht des Todes).

• Nichts ausgelassen. Autobiographie. Eldonejo Droemer, Munkeno 2006, ISBN 3-426-27383-7
• Man lebt nur zweimal. Eldonejo Bastei Lübbe, Kolonjo 2013, ISBN 978-3-7857-2471-2

• Adolf Heinzlmeier: Heiner Lauterbach, Der sanfte Macho. Heyne-Filmbibliothek, Nr. 263. eldonejo Heyne, Munkeno 1998, ISBN 3-453-14576-3

Tiu-ĉi teksto en sia unue publikigita versio parte baziĝas je fontaj informoj el la koncerna germanlingva teksto laŭ la dato 30-a de novembro 2013.

• oficiala retejo germane
• Heiner Lauterbach ĉe Interreta filma datumbazo (angle)
• Informoj pri Heiner Lauterbach en katalogo de la Germana Nacia Biblioteko (germane)