Hechingen estas urba komunumo en Germanio. Ĝi troviĝas, ĉirkaŭ 60 kilometroj sude de Stuttgart en la distrikto Zollernalb kaj en la distriktaroTübingen de la federacia landoBaden-Virtembergo. En la distrikto Zollernalb ĝi estas la tria plej granda urbo: Fine de decembro 2022 ĝi havis 11 560 loĝantojn. Por la ĉirkaŭaj komunumoj ĝi estas alirpunkto rilate al aĉetoj kaj butikumado.
Inter la komunumoj Hechingen kaj Bisingen situas la kastelo Hohenzollern. Ĝi estas la hejmo de la nobela dinastio de Hohencolernoj, el kiu eliris la princoj-elektistoj de Brandenburgio (1415–1701), pluraj prusiaj reĝoj (1701-1918) kaj germanaj imperiestroj (1871–1918), kaj ankaŭ reĝoj de Rumanio dum 1866–1947.
