Burg troviĝas ĉ. 25 km nordoriente de Magdeburgo. La plej gravaj akvaĵoj estas la rivereto Ihle kaj la kanalo Elbe-Havel-Kanal. Gravaj trafikvojoj estas la rapidstratoj B1, B246a kaj la aŭtovojo A2. La pejzaĝo ĉirkaŭ la urbo estis formita dum glazia epoko. Najbara regiono kun grandaj areoj da laŭleĝe protektataj partoj estas Fläming.
Ĉefurbestro inter la jaroj 1998 ĝis 2005 kaj 2005 ĝis 2012 estis la socialdemokrato Bernhard Sterz [BERNhart ŜTERC], ekde 2012 ĝis 2019 oficas Jörg Rehbaum [JØRK RE:baŭm], same socialdemokrato.
Tra Burg vojas la "vojo de Romaniko" (Straße der Romanik).
Konstruaĵoj
Pro la frua ekesto de urbeto kaj pro la favoraj kondiĉoj la urbo Burg tre frue ricevis fortikaĵon kaj aliajn konstruaĵojn por protekti la urbon dum militoj. Multaj de tiuj konstruaĵoj estas ankoraŭ hodiaŭ en bona stato.
La plej gravaj vidindaĵoj:
akvoturo el la jaro 1902
Sorĉistina Turo el la 12-a jarcento
Berlina Pordegturo el la 14-a jarcento
la preĝejo "Por niaj karaj virinoj" ("Unser Lieben Frauen"), unua mencio en 1186
la urbodomo, unua mencio en la jaro 1224
Bismarck-turo, 1907 inaŭgurita, kutime nomata Fläming-turo
Burger Roland de Ries
preĝejo Sankta Petro
preĝejo Sankta Nikolao
fostoro por elsendi radioondojn (324m alta, el ŝtalaj traboj; du ŝtaltubaj fostoj, 210m altaj); oni elsendas ankaŭ mezlongajn radioondojn
