Kissingen, sub la nomo Kizziche jam en la 9-a jarcento aperinte, estis ĝis 1291 posedaĵo de la grafoj de Henneberg, el kiuj branĉo nomiĝis laŭ la proksime de Kissingen situanta Burgo Bodenlaube. En 1394 aĉetis la tuton la ekleziuloj de Würzburg - kaj la regiono iĝis bavara la unuan fojon.
La 10-an de julio 1866 okazis surloke sanga batalo inter la armeoj de la Reĝlandoj Bavario kaj Prusio. Memore al la falintaj bavaroj apud la preĝeja korto konstruiĝis honora monumento. La 13-an de julio 1874 la frenezulo Kullman atencis la princon Bismarck, kion memoras bronza statuo de la princo en la proksimeco de la salkolekta muro.
