Anajurto (ruse Ана-Юрт, ukraine Ана-Юрт, krime-tatare Ana Yurt) estas vilaĝo en la Trudova komunumo de la Simferopola distrikto (Aŭtonoma Respubliko Krimeo). Anajurto aperis en la 1990aj jaroj kiel la loko de amasa loĝado de krime-tataroj, revenintaj en Krimeon post la deporto de la jaro 1944, kaj ricevis la statuson de vilaĝo la 29an de septembro 2008[1]. En la jaro 2008 en la vilaĝo loĝis 112 homoj.
La loĝloketo situas tre proksime al Simferopolo (fakte ĝi estas ĝia nord-orienta antaŭurbo) ĉirkaŭ kilometron for de la aŭtoŝoseo Simferopolo-Teodozio. Forme kaj aspekte ĝi tre similas ordinaran somerdoman terenon. Oriente ĝi najbaras alian novan «nacian» vilaĝeton Ajkavano.
La nomo de la loĝloketo havas krime-tataran devenon kaj signifas laŭvorte patrujo.
Referencoj
Ligiloj
