PROFILPELAJAR.COM

	87 Sylvia
	asteroido
	astronomia simbolo
	Bildo per adaptiva optiko montranta 87 Sylvia kaj ĝiajn lunetojn Romulon kaj Remon Bildo per adaptiva optiko montranta 87 Sylvia kaj ĝiajn lunetojn Romulon kaj Remon
asteroido
Oficiala nomo	86 Sylvia
Aliaj nomoj	A909 GA
Astronomia simbolo	vd
Nomita laŭ	Rhea Silvia vd
	Malkovro
Malkovrinto	Norman Robert Pogson
Dato de malkovro	16-a de majo 1866
Loko de malkovro	Madraso; nun, Ĉenajo (Barato)
	Orbitaj ecoj
Asteroida familio	asteroida zono; ekstera ĉefzono vd
Granda duonakso; - Periapsido; - Apoapsido	522,137 Gm (3,490 AU); 480,594 Gm (3,213 AU); 563,679 Gm (3,768 AU)
Discentreco	0,080
Meza anomaliangulo	352,763°
Klinangulo	10,855°
Periodo	2 381,697 tagoj (6,52 jaroj)
Meza cirkulrapido	15,94 km/s
Longitudo de; suprenira nodo	86,452°
Argum. de periapsido	266,195°
Naturaj satelitoj	Romulo kaj Remo
	Fizikaj ecoj
Dimensioj; Diametro	384 × 262 × 232 km; 260 km
Maso; - Denso; - Surfaca falakcelo; - Liberiga rapido	(1,48 ± 0,06) × 1019 kg; (1 210 ± 130) kg/m3; 0,0729 m/s²; 0,1379 km/s
Rotacia periodo	0,2160 tago (5,1836 horoj)
Aksa kliniteco	29,1°
	Atmosferaj kaj surfacaj ecoj
Surfaca temperaturo; - Maksimuma	~ 151 K; 223 K
Geometria albedo	0,0435
	Observaj ecoj
Spektroklaso	X
Absoluta magnitudo	6,9
Videbla magnitudo	12,87 vd
	v • d • r

87 Sylvia estas unu el plej granda asteroidoj de la asteroida zono. Ĝi estas la unua asteroido konata pro havo de pluraj lunoj.

Malkovro

Ĝi estis malkovrita la 16-an de majo 1866 en la observatorio de Madraso (nun, en Ĉenajo, Barato) de la brita astronomo Norman Robert Pogson.^[2]

Nomo

Ĝi ricevis la nomon de "Sylvia":

Ĉu honore al Sylvie Petiaux-Hugo, unua edzino de la franca astronomo Camille Flammarion.
Ĉu laŭ la vestalo Rhea Silvia, patrino de Romulo kaj Remo en la romia mitologio, respektante la tradicion de la mitologiaj nomoj.

Ecoj

87 Sylvia estas tre malhela. Ĝiaj satelitoj permesis mezuri precize ĝiajn mason kaj denson. Ĝia malgranda denso indikas ke la asteroido estus tre porhava, kaj komponiĝus el de 25 % ĝis 60 % da malpleno, tio, kio pensigas pri rubamaso.

87 Sylvia havas longigitan formon kaj rapidan rotacion. La rotacia akso estas la pli malgranda akso^[3] de ĝia elipsoida formo, klinita de 29,1° (± 0,5).

Ĝi estas ano de la Cibela grupo.

Satelitoj

87 Sylvia estas la unua konata asteroido havanta almenaŭ du satelitojn. Ili ricevis la nomojn de Romulo kaj Remo, ĝemelaj filoj de Rhea Silvia, kaj mitaj fondintoj de Romo.

Tiuj ĉi estis verŝajne kreitaj pro alfrapo, kaj eblas, ke ekzistus aliaj satelitoj, tro malgrandaj por esti nuntempe malkovritaj. Ambaŭ satelitoj aspektas orbiti, laŭ tio, kion ni povas vidi, en la sama orbita ebeno, proksima de tiu de la ekvatoro de 87 Sylvia, kaj kun malgranda discentreco.

Sylvia I Romulo

Romulo estas la plej ekstera satelito, unue malkovrita, la 18-an de februaro 2001 de Michael E. Brown kaj Jean-Luc Margot per la teleskopo Keck II de la observatorio W.M. Keck de Mauna Kea. Ĝi ricevis la provizoran nomon de S/2001 (87) 1^[4]^[5].

Ĝi havas dimension de 10,8 ± 5,6 km, orbitas en preskaŭ cirkla orbito je 1351,35 ± 0,01 km de la centra korpo en orbita periodo de 3,654 ± 0,024 tagoj (87,696 horoj).

Oni ne konfuzu ĝin kun la asteroido 10386 Romulo (aŭ 10386 Romulus)

Sylvia II Remo

Remo estas la plej interna satelito, due malkovrita, la 9-an de aŭgusto 2005 de Franck Marchis (de la Universitato de Kalifornio ĉe Berkeley) kaj Pascal Descamps, Daniel Hestroffer kaj Jérome Berthier (de la Observatorio de Parizo) per la teleskopoj de la Very Large Telescope de la Eŭropa suda observatorio. Ĝi ricevis la provizoran nomon de S/2004 (87) 1^[6].