Lesley Griffiths AS
Llun swyddogol, 2024
Aelod o Senedd Cymru dros Wrecsam
Deiliad
Cychwyn y swydd 3 Mai 2007
Rhagflaenwyd gan	John Marek
Mwyafrif	1,325 (6.5%)
Gweinidog dros yr Amgylchedd, Ynni a Materion Gwledig
Deiliad
Cychwyn y swydd 19 Mai 2016
Prif Weinidog	Carwyn Jones Mark Drakeford
Rhagflaenwyd gan	Carl Sargeant
Gweinidog dros Gymunedau a Threchu Tlodi
Yn ei swydd 11 Medi 2014 [1] – 19 Mai 2016
Prif Weinidog	Carwyn Jones
Rhagflaenwyd gan	Jeffrey Cuthbert
Dilynwyd gan	Carl Sargeant
Llywodraeth Lleol a Busnes Llywodreth
Yn ei swydd 14 Mawrth 2013 [2] – 11 Medi 2014
Prif Weinidog	Carwyn Jones
Rhagflaenwyd gan	Carl Sargeant
Dilynwyd gan	Leighton Andrews fel Gweinidog dros Wasanaethau Cyhoeddus, Jane Hutt fel Gweinidog dros Fusnes Llywodraeth
Gweinidog dros Iechyd a Gwasanaethau Cymdeithasol
Yn ei swydd 13 Mai 2011 – 14 Mai 2013
Prif Weinidog	Carwyn Jones
Rhagflaenwyd gan	Edwina Hart
Dilynwyd gan	Mark Drakeford
Manylion personol
Ganwyd	1960 (64–65 oed)
Plaid wleidyddol	Llafur Cymru
Swydd	Ymgynghorwr gwleidyddol
Gwefan	Gwefan Llafur Cymru

Gwleidydd Llafur Cymru yw Susan Lesley Griffiths AC, a adwaenir fel Lesley Griffiths (ganwyd 1960) sydd yn Aelod o'r Senedd dros etholaeth Wrecsam ers 2007.^[3]

Bu'n gweithio fel ysgrifennydd i John Marek a chynorthwy-ydd etholaeth i Ian Lucas, dau gyn Aelod Seneddol dros Wrecsam. Yn 2011, fe'i penodwyd yn Weinidog dros Iechyd a Gwasanaethau Cymdeithasol.^[4] swydd y bu ynddi hyd fis Mawrth 2012. Mae hi ar hyn o bryd yn Weinidog Cymunedau a Threchu Tlodi.^[5]

Cafodd John Marek ei dynnu o restr ymgeiswyr y Blaid Lafur yn 2003 wedi iddo gael sawl anghytundeb gyda'i blaid; fe aeth ati i apelio yn erbyn y penderfyniad. Yn dilyn ymchwiliad gan y Blaid Lafur, lle cysylltwyd â Marek yn gyntaf dros y ffôn hanner awr cyn cyhoeddi'r canlyniad, cafodd y penderfyniad ei gadarnhau, a phenderfynodd Marek ymladd i gadw'i sedd fel aelod Annibynnol.^[6] Dewiswyd Griffiths i'w olynu fel ymgeisydd swyddogol y Blaid Lafur a gwynebodd frwydr yn ystod yr ymgyrch; dangosodd arolwg cynnar bod Marek yn ei churo o 40% i 29%.^[7] Ar ddiwrnod yr etholiad, roedd Griffiths wedi cau'r bwlch, ond fe gollodd o 973 pleidlais.

Yn Rhagfyr 2005 cafodd ei dewis unwaith eto fel ymgeisydd Llafur etholaeth Wrecsam yn etholiad y Cynulliad, 2007. Fe elwodd o gymorth proffil uchel wrth i'r blaid weld cyfle i adennill y sedd; apeliodd John Marek at y boblogaeth o fewnfudwyr Pwylaidd drwy gyfieithu ei ddeunydd etholiadol i Bwyleg.^[8] Fodd bynnag, cynyddodd Griffiths nifer ei phleidlais tra disgynnodd pleidlais Marek, ac enillodd hi'r sedd gyda mwyafrif o 1,250.

Yn 2011, cystadlodd Griffiths yn erbyn Marek am y trydydd tro, er bod Marek erbyn hyn wedi ymuno â'r Ceidwadwyr. Fe wnaeth y ddau gynyddu eu pleidleisiau o'i gymharu â 2007, ond cadwodd Griffiths sedd gyda chynnydd yn ei mwyafrif o 3,337.^[9] Ail-ddewiswyd Griffiths i amddiffyn ei sedd yn etholiad 2016.^[10]

Penodwyd Griffiths yn Ddirprwy Weinidog dros Wyddoniaeth, Arloesi a Sgiliau yn Rhagfyr 2009.^[11] Ar ôl etholiad 2011, cafodd ei dyrchafu'n Weinidog Iechyd a Gwasanaethau Cymdeithasol, a bu yn y swydd tan fis Mawrth 2013, pan y penodwyd hi'n Weinidog Llywodraeth Leol a Busnes y Llywodraeth

Wedi bod yn un o gefnogwyr Clwb pêl-Droed Wrecsam, cafodd Griffiths ei ethol i fwrdd Ymddiriedolaeth Cefnogwyr Wrecsam.

• Gwefan bersonol Archifwyd 2016-07-19 yn y Peiriant Wayback