Ffynnongroyw

Y ffynnon yr enwir y pentref ar ei hôl
Math	pentref
Daearyddiaeth
Sir	Llanasa
Gwlad	Cymru
Cyfesurynnau	53.3304°N 3.3004°W
Cod OS	SJ134823
Gwleidyddiaeth
AS/au Cymru	Hannah Blythyn (Llafur)
AS/au y DU	Becky Gittins (Llafur)
Statws treftadaeth	Henebion Cenedlaethol Cymru
Manylion
Ffeiliau perthnasol ar Comin
[golygwch ar Wicidata]

Pentref yng nghymuned Llanasa, Sir y Fflint, Cymru, yw Ffynnongroyw^[1][2] ( ynganiad ). Fe'i lleolir ym mhen ogleddol y sir ar lan orllewinol Glannau Dyfrdwy, i'r de o Dalacre. Saif ar briffordd yr A548, tua hanner ffordd rhwng Prestatyn i'r gorllewin a Mostyn i'r dwyrain.

Enwir y pentref ar ôl y Ffynnongroyw, ffynnon naturiol mewn llecyn ym mhen Lôn y Ffynnon. Ceir carreg yn do arni a gril (diweddar) i'w hamddiffyn. Tu ôl i'r pentref cyfyd bryniau cyntaf Bryniau Clwyd, gan ffurfio ymyl ddwyreiniol Dyffryn Clwyd. Mae Rheilffordd Arfordir Gogledd Cymru yn mynd rhwng y pentref a'r arfordir, ond does dim gorsaf yno.

Cynrychiolir yr ardal hon yn Senedd Cymru gan Hannah Blythyn (Llafur)^[3] ac yn Senedd y DU gan Becky Gittins (Llafur).^[4]

Magwyd y gantores boblogaidd Caryl Parry Jones (ganwyd 1958) yn Ffynnongroyw.

Eginyn erthygl sydd uchod am Sir y Fflint. Gallwch helpu Wicipedia drwy ychwanegu ato