Caer Rufeinig a saif i'r gorllewin o afon Rhiangoll ac i'r dwyrain o bentref Bwlch, Powys, Cyf. OS SO168219, yw Caer Rufeinig Pen y Gaer. Mae ffermdy yng nghanol y safle rwan.
Bu cloddio yma yn 1804, pan gafwyd hyd i grochenwaith, yn cynnwys darnau o gwpan yn dyddio o 150 - 160 OC, ac ychydig o ddarnau arian. Roedd y cynharaf o'r rhain yn denarius o gyfnod yr ymeradwr Nero (bu farw 68 OC), sy'n awgrymu fod y gaer yn un gynnar. Credir i'r garsiwn adael y gaer tua dechrau'r 2g.
Mae'r safle yng ngofal CADW ac yn agored i'r cyhoedd. Cofrestrwyd yr heneb hon gyda'r rhif SAM unigryw: BR174.[1]
Llyfryddiaeth
- Symons, S. Fortresses and treasures of Roman Wales (Breedon Books, 2009)
Cyfeiriadau
