Вёска Сасновая Краіна Беларусь Вобласць Брэсцкая Раён Баранавіцкі Сельсавет Жамчужненскі Каардынаты 53°05′39″ пн. ш. 25°44′54″ у. д.HGЯO Ранейшыя назвы Жарабілавічы Насельніцтва ▼72 чал. (2009) Часавы пояс UTC+3 Тэлефонны код +375 163 Аўтамабільны код 1 СААТА 1204815071 Сасновая на карце Беларусі ±

Сасно́вая^[1] (трансліт.: Sasnovaja, руск.: Сосновая; да 1964 года Жарабі́лавічы) — вёска ў Баранавіцкім раёне Брэсцкай вобласці. Уваходзіць у склад Жамчужненскага сельсавета. Размешчана за 17 км на захад ад Баранавічаў, за 3 км ад чыгуначнай станцыі Палонка на лініі Баранавічы — Ваўкавыск.

Каля вёскі была знойдзена свідраваная сякера трохвугольнай формы бронзавага веку^[2].

Упершыню ўпамінаецца ў 1798 годзе.

У 1897 годзе вёска ў Навамышскай воласці Навагрудскага павета Мінскай губерні, працаваў хлебазапасны магазін.

З 1921 года ў складзе Польскай Рэспублікі, у Навамышскай гміне Баранавіцкага павета Навагрудскага ваяводства.

З 1939 года ў складзе БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне. З 12 кастрычніка 1940 года да 16 ліпеня 1954 года цэнтр Жарабілавіцкага сельсавета.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінула 13 вяскоўцаў.

30 ліпеня 1964 года вёска Жарабілавічы атрымала назву Сасновая^[3].

Да 1985 года ўваходзіла ў склад Палонкаўскага сельсавета^[4].

• 19 двароў, 215 жыхароў (1897)
• 46 двароў, 359 жыхароў (1909)
• 27 двароў, 141 жыхар (1921)
• 231 жыхар (1959)
• 68 двароў, 120 жыхароў (1998)
• 47 гаспадарак, 113 жыхароў (2005)

• Аркадзь Станіслававіч Аркадзьеў (Цівунчык; 1897—1969) — беларускі савецкі акцёр і рэжысёр.

• Помнік землякам

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

• На Вікісховішчы пакуль няма медыяфайлаў па тэме, але Вы можаце загрузіць іх