La Casa de Borbón (en francés: Bourbon, n'italianuBorbone) ye una casa real d'orixe francés (anque la primer corona a la qu'aportó foi la del Reinu de Navarra), actual casa reinante n'España y nel Gran Ducáu de Luxemburgu. L'apellíu Bourbon o, n'España Borbón, vien de un topónimu: el castiellu de Bourbon-l'Archambault, asitiáu nel departamentu francés de Auvernia (distritu de Moulins), por ser esta la casa matriz de tolos nobles d'esi fonduxe que, según cunten los xenealoxistes, baxen d'una caña secundaria de los Capetos, dinastía que gobernó Francia ente los años 987 y 1328. Gobernaron primero en Navarra y Francia, pero pal sieglu XVIII los miembros de la Casa de Borbón llegaron a los tronos d'España y sur d'Italia, destacando'l Reinu de les Dos Sicilies, amás de dellos pequeños ducaos y condaos.
Esta casa real gobernó la Baxa Navarra (dende 1555), y Francia (dende 1589) de manera conxunta hasta 1789 (españíu de la Revolución francesa), cuando'l Reinu de Navarra (Baxa Navarra) foi abolíu y el so territoriu integráu al reinu francés. La monarquía (constitucional dende 1791) francesa quedó abolida en 1792, y el rei Lluis XVI de Francia (y V de Navarra), foi executáu en xineru de 1793.
Darréu hubo una restauración, tres la cayida del Primer Imperiu Francés en 1815; pero la Revolución de Xunetu depúnxo-yos otra vegada y la caña d'Orleans tomó'l poder ente 1830 y 1848, cuando la monarquía borbónica foi abolida de manera definitiva.
El primer miembru de la Casa de Borbón n'España foi Felipe d'Anjou, nietu de Lluis XIV de Francia, que reinó mientres 45 años col nome de Felipe V, quien asocedió a los Austrias. Ye nesti periodu onde se reemplaza l'orixinal francés Bourbon pola so castellanización, Borbón.
Al pie de la llinia francesa (Bourbon), atópense otres cañes estinguíes, como la de los príncipes de Condé (Bourbon-Condé) y la de los príncipes de Conti (Bourbon-Conti), y tamién llinies illexítimes que viven hasta güei, como la de los condes de Busset (Bourbon-Busset) y la incierta de los rajás de Shergar (Bourbon-Bhopal).
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Casa de Borbón}} ~~~~
Los Borbones españoles del sieglu XVIII —Felipe V (1700-1724 y 1724-1746), Lluis I (1724), Fernandu VI (1746-1759), Carlos III (1759-1788) y Carlos IV (1788-1808)— llevaron a cabu una política de fondes reformes en tolos campos col enfotu de asitiar a España nun llugar destacáu ente les potencies europees. Felipe V foi ayudáu primero por conseyeros franceses, relevaos llueu por españoles pertenecientes a la primer xeneración d'ilustraos.
La política dinástica sostenida por Felipe V y la so segunda esposa, Isabel de Farnesio, dio tronos n'Italia a los fíos del matrimoniu, dando orixe a la caña Borbón-Sicilia. Los reinaos de Fernandu VI y Carlos III significaron la plenitú del reformismu.
El desenvolvimientu de l'América española, que les sos posibilidaes económiques entá taben por esplotar na so mayor parte, foi una de les xeres que recibieron más atención.
L'escosamientu de los homes y los programes ilustraos reformistes y l'implicación d'España nos sucesos internacionales causaron una fonda crisis del Estáu y de la dinastía, que llegó al so puntu álgido nel enfrentamientu ente'l rei Carlos IV y el so fíu, el príncipe d'Asturies y futuru Fernandu VII.
La conjura de El Escorial (1807) y el motín d'Aranjuez (1808), promovíos pel círculu de don Fernando contra'l favoritu de los reis, Manuel Godoy, provocaron el derrocamientu de Carlos IV y la proclamación de Fernandu VII. Estes alarmantes muestres de la descomposición de la dinastía asocedíen nuna España ocupada poles tropes de Napoleón I Bonaparte, en que los sos planes figuraba yá'l destronamientu de los Borbones y l'insertamientu d'España na órbita imperial.
El desprestixu de la familia real algamó'l so visu nes abdicaciones de Bayona, poles que Carlos IV y Fernandu VII apurrieron a Bonaparte los sos derechos a la Corona d'España, quien de la mesma los tresfirió al so hermanu José (1808).
Sacante Xosé I (1808-1813), de la Casa de Bonaparte, y de Amadéu I (1870-1873), de la Casa de Saboya, tolos reis y reines d'España de los sieglos XIX y XX pertenecieron a la dinastía borbónica: Fernandu VII (1808-1833), Sabela II (1833-1868), Alfonsu XII (1875-1885), Alfonsu XIII (1886-1931), Xuan Carlos I (1975-2014) (siendo esti unu de los artífices de la transición española a la democracia, posterior al réxime dictatorial del xeneral Francisco Franco) y Felipe VI (2014-presente) (quien asume'l tituló tres l'abdicación del so padre).
Ducáu de Parma
Bandera del Ducáu de Parma.Escudu del Ducáu de Parma.
El primer duque Borbón de Parma foi Carlos, infante d'España, qu'asumió'l tronu de Parma como Carlos I. Yera fíu de Felipe V d'España y de la so segunda esposa Isabel de Farnesio. La so ascensión al tronu dio ante la reclamación de derechos que Felipe V fixera en nome d'Isabel de Farnesio, ante la súbita muerte del so tíu Antonio Farnesio, que nun tuvo descendencia.
.svg)
.svg)
.svg)
.svg)
_(1).svg)
.svg)
.svg)
