অসম কৃষি বিশ্ববিদ্যালয়
স্থাপিত	১ এপ্ৰিল, ১৯৬৯
ধৰণ	ৰাজহুৱা
ধৰ্মীয় ভুক্তি	আই চি এ আৰ (ICAR)
আচাৰ্য	অসমৰ ৰাজ্যপাল
উপাচাৰ্য	বিদ্যুত চন্দন ডেকা
স্থান	যোৰহাট, অসম, ভাৰত
ৱেবছাইট	www.aau.ac.in

অসম কৃষি বিশ্ববিদ্যালয় (ইংৰাজী: Assam Agricultural University) অসমৰ একমাত্ৰ কৃষি বিশ্ববিদ্যালয়। ১৯৬৯ চনৰ ১ এপ্ৰিলত যোৰহাটত স্থাপিত হোৱা এই বিশ্ববিদ্যালয় খনে অসমত কৃষি শিক্ষা, গৱেষণা আৰু কৃষি সম্প্ৰসাৰণৰ হকে কাম কৰি আহিছে। প্ৰথমে যোৰহাটৰ অসম কৃষি মহাবিদ্যালয় আৰু গুৱাহাটীৰ অসম পশু চিকিৎসা মহাবিদ্যালয় দুখনক কেন্দ্ৰ বিন্দু হিচাপে লৈ এই বিশ্ববিদ্যালখন আৰম্ভ কৰা হৈছিল।

বিশ্বৰ কেৱল এই বিশ্ববিদ্যালয়তেই চাহ প্ৰযুক্তিবিদ্যা বিষয়ত স্নাতক আৰু স্নাতকোত্তৰ পৰ্য্যায়ৰ শিক্ষা প্ৰদান কৰা হয়। ছশৰো অধিক শিক্ষক, গৱেষক আৰু সম্প্ৰসাৰণ বিশেষজ্ঞই এই বিশ্ববিদ্যালয়ৰ যোগেদি কৃষি আৰু পশু চিকিৎসা বিজ্ঞানৰ বিভিন্ন বিষয়ত সেৱা আগবঢ়াই আছে।^[1]

বিশ্ববিদ্যালয়ৰ অধীনত নখন মহাবিদ্যালয় আছে।

• কৃষি মহাবিদ্যালয়, যোৰহাট
• গাৰ্হস্থ্য বিজ্ঞান মহাবিদ্যালয়, যোৰহাট (১৯৬৯)
• পশু চিকিৎসা বিজ্ঞান মহাবিদ্যালয়, খানাপাৰা, গুৱাহাটী
• বিশ্বনাথ কৃষি মহাবিদ্যালয়, বিশ্বনাথ চাৰিআলি (১৯৮৮)
• লক্ষীমপুৰ পশু চিকিৎসা বিজ্ঞান মহাবিদ্যালয়, উত্তৰ লখিমপুৰ (১৯৮৮)
• মীন মহাবিদ্যালয়, ৰহা (১৯৮৮)
• শৰৎ চন্দ্ৰ সিংহ কৃষি মহাবিদ্যালয়, চাপৰ
• উদ্যানকৃষি মহাবিদ্যালয়, নলবাৰী
• ৰেচম মহাবিদ্যালয়, তিতাবৰ

এই বিশ্ববিদ্যালয়ৰ অধীনত অসমৰ ছটা কৃষি অঞ্চলতে একোটাকৈ আঞ্চলিক কৃষি গৱেষণা কেন্দ্ৰ আছে।

• তিতাবৰ - উজনি ব্ৰহ্মপুত্ৰ উপত্যকা অঞ্চল
• উত্তৰ লক্ষিমপুৰ - উত্তৰ পাৰৰ সমতল অঞ্চল
• শ্বিলঙিনী - মধ্য ব্ৰহ্মপুত্ৰ উপত্যকা অঞ্চল
• ডিফু - পাৰ্বত্য অঞ্চল
• গোঁসাইগাঁও - নামনি ব্ৰহ্মপুত্ৰ উপত্যকা অঞ্চল
• কৰিমগঞ্জ- বৰাক উপত্যকা অঞ্চল

এই বিশ্ববিদ্যালয়ৰ দ্বাৰা অসমৰ প্ৰতিখন জিলাতে কৃষি বিজ্ঞান কেন্দ্ৰএকোটাকৈ স্থাপন কৰা হৈছে।

• Website of Assam Agricultural University

এই অসম সম্পৰ্কীয় চমু প্ৰবন্ধটো বহলাই লিখা প্ৰয়োজন। আপুনিও ইচ্ছা কৰিলে প্ৰবন্ধটো বিস্তাৰ কৰি ইয়াৰ মান উন্নত কৰিব পাৰে। সহায় কৰিবৰ বাবে ইয়াত ক্লিক কৰক। আপুনি যদি নবাগত তেন্তে ৱিকিপিডিয়াত সম্পাদনা কৰাৰ অনুগ্ৰহ কৰি আগেয়ে সহায়িকাখন এবাৰ চকু ফুৰাব।