প্ৰাগজ্যোতিষ মহাবিদ্যালয়
প্ৰাগজ্যোতিষ মহাবিদ্যালয়
স্থাপিত	১৯৫৪
ধৰণ	ৰাজহুৱা
অধ্যক্ষ	ড° মনোজ কুমাৰ মহন্ত
স্থান	গুৱাহাটী, অসম, ভাৰত
ভুক্তি	গৌহাটী বিশ্ববিদ্যালয়
ৱেবছাইট	www.pragjyotishcollege.ac.in

প্ৰাগজ্যোতিষ মহাবিদ্যালয় (ইংৰাজী: Pragjyotish College) হৈছে অসমৰ কামৰূপ (মহানগৰ) জিলাৰ ভৰলুমুখত অৱস্থিত এখন শিক্ষানুষ্ঠান। ১৯৫৪ চনত মহাবিদ্যালয়খন প্ৰতিষ্ঠা কৰা হয়। মহাবিদ্যালয়ৰ পাঠ্যক্ৰম গুৱাহাটী বিশ্ববিদ্যালয়ৰ অন্তৰ্গত।^[1]

শিক্ষানুষ্ঠানখন ভৰলু নৈৰ পাৰত অৱস্থিত৷ ২০১৩-১৪ চনত প্ৰাগজ্যোতিষ মহাবিদ্যালয়ে হীৰক জয়ন্তী উদ্‌যাপন কৰে৷ পূৰ্ণাংগ পৰ্যায়ৰ মহাবিদ্যালয়খনে কলা, বিজ্ঞান আৰু বাণিজ্য শাখাত উচ্চ শিক্ষা প্ৰদান কৰে৷ মহাবিদ্যালয়খনত দুটা স্নাতকোত্তৰ বিভাগ আছে৷ সেইকেইটা হৈছে অসম আৰু পৰ্যটন ব্যৱস্থাপনা।^[2]

ভাৰতে স্বাধীনতা লাভ কৰাৰ সাত বছৰৰ পাছত, ১৯৫৪ চনৰ ১ ছেপ্টেম্বৰত প্ৰাগজ্যোতিষ মহাবিদ্যালয় প্ৰতিষ্ঠা কৰা হৈছিল৷ বিশিষ্ট সাহিত্যিক-পণ্ডিত তীৰ্থনাথ শৰ্মাই প্ৰাগজ্যোতিষ মহাবিদ্যালয়ৰ প্ৰতিষ্ঠাপক অধ্যক্ষৰ দায়িত্ব চম্ভালে৷