La sierra Modorra u sierra de Codos ye una sierra de la branca aragonesa de lo Sistema Iberico con dirección NW-SE situada a lo sud-este de las sierras de Bicort y Espigar[1], a lo norueste de la Sierra de Peco, a lo sud de la depresión d'Ebro y a lo norte de Campo Romanos.
Las suyas altarias principals se troban en lo pico de Codos (1.274 m), lo pico de Langa (1.302 m) y Caveras (1.221 m). Lo puerto de Mainar desparte estas dos altarias de la Talaya (1.237 m), a l'igual que La Uerba se situa entre lo semontano de sierra Modorra y la sierra de Peco. A l'ueste de Talaya ye lo naixedero de lo río Griu, que visto dende lo puerto de Mainar baixa enta lo norueste y reculle las auguas de la versant nord-este de sierra Modorra.
La sierra de Modorra perteneixe principalment a los termins municipals de Codos, Torralbiella y Langa. La versant nordoriental perteneixe a Codos, lo semontano de la versant sudoccidental que baxa ta Campo Romanos perteneixe a Langa y Torralbiella, part de lo suyo semontano oriental tamién en Campo Romanos baixa ta La Uerba y ye en lo termin municipal de Mainar.
Encara que lo releu se formó en la orochenia alpina, los materials son rocas sedimentarias paleozoicas metamorfizadas (losetas, ortoquarcitas), que se plegoron en la orochenia herzinica.
Los carrascals fan part de la vechetación natural d'esta sierra.
Toponimia
A vegadas tamién se diz sierra de Codos. Labanha la nombra en portugués como serra de Codos en Itinerario del Reyno de Aragón (1610-1611)[2]
Referencias
Bibliografía
.jpg)
