La sierra de Mayabona ye una aliniación montanyosa de lo Sistema Iberico que fa parte de la branca levantina y de la unidat morfoestructural dita "Serranías de Gúdar"[1]. Se troba en la part oriental de la provincia de Teruel.
La superficie de la sierra de Mayabona perteneixe a los termins municipals de Mosqueruela y Puertomingalbo.
Altarias
Las principals cimas son Las Sampolas (1.723-1.654 m), seguidas de La Atalaya (1.598 m), Ponza (1.555 m), Navajuelo (1.540 m) y Gallo (1.499 m).[2]
Oronimia
L'oronimo sierra de Mayabona se presenta en bel rechistro antigo como sierra de Hayabona y no bi ha conoixencia de denguna hipotesi toponimica explicativa.[3] Encara que en bella publicación figure como sierra de las Ampolas este oronimo se remonta a la edición de l'anyo 2006 de lo Mapa Topografico Nacional, no ye un toponimo tradicional, y en tot caso se refiere a las elevacions de la montanya de Las Sampolas,[4] que ye un sector muit concreto de la sierra en la suya versant sud, en lo termin municipal de Puertomingalbo.[3]
Hidrografía
La versant sud desaugua enta barrancos de la compleganza de lo río Monleón, la versant norte lo enta lo polje de Mosqueruela, que devez desaugua enta l'este en lo río Monleón a traviés de lo suyo tributario río Mallo.
Cheología
La sierra de Mayabona corresponde a lo sud de lo sinclinal de Fortanet[1].
Referencias
- ↑ 1,0 1,1 (es) José LuIs Peña Monné et al. : Geomorfología de la Provincia de Teruel. Instituto de Estudios Turolenses, 1984. p 81-91.
- ↑ (es) Ricardo Pitarch García: Estudio de la flora y vegetación de las sierras orientales del Sistema Ibérico: La Palomita, Las Dehesas, El Rayo y Mayabona (Teruel). Editor: Consejo de Protección de la Naturaleza de Aragón, 2002. p 19.
- ↑ 3,0 3,1 (es) Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001. p. 41.
- ↑ (es) José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016, pp 35-90.
Bibliografía
- (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
- (es) Ricardo Pitarch García: Estudio de la flora y vegetación de las sierras orientales del Sistema Ibérico: La Palomita, Las Dehesas, El Rayo y Mayabona (Teruel). Editor: Consejo de Protección de la Naturaleza de Aragón, 2002.
- (es) José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016.
- (es) Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001.
