La sierra d'el Rayo ye aliniación montanyosa de lo Sistema Iberico que fa part de la branca levantina[1] y de la unidat morfoestructural dita "Serranías de Gúdar".[2] Se troba en la part oriental de la provincia de Teruel.
Las principals cimas son: Bramaderas (1.886 m) y Pinos Claros (1.715 m).[3]
La superficie de la sierra d'el Rayo perteneixe a los termins municipals de Cantaviella, Fortanet (Mayestrato) y Mosqueruela (Gúdar-Chabalambre). En lo termin municipal de Cantaviella la sierra d'el Rayo se situa en la partida masovera de La Umbría.[4] En lo termin municipal de Mosqueruela se situa en lo quarto de Val de la Madera a l'este de Collado Frido,[5] ya en la sierra de Sollavientos.
Buena part de la sierra corresponde a un plego anticlinal de dirección norueste-sud-este que afecta a unas calsineras de lo Cretacio superior.
Toponimia
L'oronimo sierra d'el Rayo puede fer referencia a las tronadas igual como lo nombre d'una cima suya Bramadoras u Bramaderas. Lo tornado que travesó los pinars de los termins de Fortanet, Mosqueruela y Cantaviella lo 28 d'agosto de 1999 amuestra la espectacularidat que pueden tener los fenomenos meteolochicos en esta sierra.
Se documenta una mención a una lastra el Rayo y barranco el Rayo en un texto de 1414 sobre mollonamiento de boalaches y defesas entre los termins de Fortanet y Exorcas:
Item, el Boalage de las ombrias de Martin de Miedes, comiença al Mas de la Confradria que era de Don Martin Alcanyiz y va la riscla asuso entro el Camino de
Villaroya. Et depues puya camino asuso que va a la
Lastra el Rayo y puya entro asoma la Ombria de dito Martin de Miedes. Et depues va por la vertient adelant de traviesso y faze al
Barranquo el Rayo alto a la penya y va la penya asuso entro al fondo del strecho del dito
Barranquo el Rayo. Et del fondo del dito barranquo puya la penya asuso entro el Camino de Villaroya a las Vueltas Somsas.
[6]Referencias
- ↑ (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 143.
- ↑ (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 81-91.
- ↑ (es) Ricardo Pitarch García: Estudio de la flora y vegetación de las sierras orientales del Sistema Ibérico: La Palomita, Las Dehesas, El Rayo y Mayabona (Teruel). Editor: Consejo de Protección de la Naturaleza de Aragón, 2002, p 19.
- ↑ (es) Laura Borroy Rengel, Diego Mallén Alcón: Estudio de interpretación y divulgación científica de los paisajes naturales de Cantavieja. Publicau en: Teruel: Revista del Instituto de Estudios Turolenses, Vol. 88-89, Nº1, 2000-2002, pp. 331-344.
- ↑ (es) José Francisco Casabona Sebastián, Eduardo Gargallo Monforte: Mosqueruela: Guía de monumentos, paisajes, fiestas y servicios turísticos, Instituto de Estudios Turolenses, Teruel, 1999. pp. 43-44.
- ↑ (es) Jesús J. Villarroya Zaera: Mojonación y limitación de los boalajes y dehesas en los términos de Fortanete y Jorcas. (Fortanete ... 1414). Ontejas Asociación Cultural de Fortanete nº 28, mayo 2016.
Bibliografía
- (es) Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006.
- (es) Ricardo Pitarch García: Estudio de la flora y vegetación de las sierras orientales del Sistema Ibérico: La Palomita, Las Dehesas, El Rayo y Mayabona (Teruel). Editor: Consejo de Protección de la Naturaleza de Aragón, 2002.
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
- (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- (es) Instituto Geológico y Minero de España: Mapa Geológico de España E 1:50.000. Mosqueruela. Servicio de publicaciones de Ministerio de Industria y Energía. 1979.
- (es) José Francisco Casabona Sebastián, Eduardo Gargallo Monforte: Mosqueruela: Guía de monumentos, paisajes, fiestas y servicios turísticos, Instituto de Estudios Turolenses, Teruel, 1999.
- (es) Laura Borroy Rengel, Diego Mallén Alcón: Estudio de interpretación y divulgación científica de los paisajes naturales de Cantavieja. Publicau en: Teruel: Revista del Instituto de Estudios Turolenses, Vol. 88-89, Nº1, 2000-2002,
