La sierra de la Virchen (Sierra de la Virgen en castellano), ye una sierra de la branca aragonesa[1] de lo Sistema Iberico con dirección NO-SE a lo sud de la Sierra de Moncayo y a lo norueste de la Sierra de Bicort.
La versant nord-este de la sierra desaugua enta lo riu Aranda, la versant sudueste desaugua enta la rambla de Ribota u Riu Clarés, los dos afluents de Xalón, que desparte las sierras de la Virchen y de Bicort.
La Sierra de la Virchen perteneixe a los termins municipals de Morés, Sabinyán, Calatayú, Torralba de Ribota, Aninyón, Villarroya de la Sierra, Clarés de Ribota, Malanquiella, Aranda de Moncayo, Exarc de Moncayo, Gotor, Illueca y Sestrica.
Encara que lo releu se formó en la orochenia alpina, los materials son d'edat paleozoica, con una chicota representación d'o Proterozoico en Sestrica.
Los carrascals fan part de la vechetación natural d'esta sierra, a on que bi ha una curiosa representación d'alcornoc Quercus suber sobre suelos silicios.
Altarias
Las principals altarias son Cabrera (1.433 m), Virchen de la Sierra (1.413), San Cristóbal (1.265 m), Pico de Morés (1.186 m), Torre de la Masa (1.176 m) y Mont de la Lezna (950 m).
Son sarraus de la sierra de la Virchen La Serrezuela y la sierra d'el Perillo.
Toponimia
Lo toponimia aragonesa sierra de la Virgen actual en castellano provién de la Ermita de Santa María de la Sierra u Ermita de Nuestra Sinyora de la Sierra, que ye un santuario important a livel comarcal ya mencionau por Labanha como Ermida de Nossa S.ra da Serra a primers de lo sieglo XVII en portugués. En la Bula d'Aleixandre IV de 1260 se menciona una ilesia de Santa María que podeba tener relación con esta ermita:
Referencias
Bibliografía
